SON DƏQİQƏ

Əvəzolunmaz zəfərimizə həsr olunmuş kitab Azərbaycan Dövlət Mədəniyyət və İncəsənət Universitetinin dosenti, "Əməkdar İncəsənət Xadimi" Fəxriyyə xanım Xələfovanın təşəbbüsü və "Sahibkar Qadınlar İctimai Birliyinin" maliyyə dəstəyi ilə çap olunmuşdur. Tədbiri giriş sözü ilə AVMVİB müşaviri şairə publisist, kitabın redaktoru Nəsibə İsrafilqızı açmışdır. Təqdimat mərasimində 44 günlük Vətən müharibəsinin Qaziləri, ictimaiyyət nümayəndələri, müxtəlif iş adamları, mətbuat nümayəndələri, yazarlar, İctimai Birlik rəhbərləri iştirak etmişdir.Kitabın redaktoru Nəsibə İsrafilqızı əziz gün münasibəti ilə hər kəsi təbrik etmiş və "Qalibiyyətin səkkiz anı" kitabının ərsəyə gəlməsində olan məqamlardan bəhs etmişdir. 

Tədbirdə qazilərimiz çıxışlar edərək günün mahiyyəti haqqında danışdılar. Daha sonra kitabın ərsəyə gəlməsində bilavasitə rolu olan Azərbaycan Dövlət Mədəniyyət və İncəsənət Universitetinin dosenti, "Əməkdar İncəsənət Xadimi" Fəxriyyə xanım çıxış edərək belə bir kitabın labüdlüyünü vurğulamışdır. Davamında isə "Vətənim-Azərbaycandır" az. və  44Gün.org- un təsisçisi və baş redaktoru Kamran Orucov  çıxış edərək  mətbuat nümayəndələri adından, yazarımız  Həşim Mədətovu təbrik etmiş, belə kitabların gənc nəslin təlim-tərbiyəsində mühim və müstəsna rolu olduğunu vurğulamışdır. Yazar Həşim Mədətovun isə öz çıxışında bütün tədbir iştirakçılarını salamlamış, bayram münasibəti ilə  təbrik etmiş, və tədbirdə iştirakları üçün təşəkkürlərini ifadə etmişdir. Sonda isə Uşaq Musiqi Məktəbinin şagirdləri Qarabağımıza həsr olunmuş musiqilər səsləndirmişdirlər.