SON DƏQİQƏ

Vetenim-Azerbaycandir.az

13 aprel tarixində şairə Esmira Günəş Ağstafanın Qırılı kəndinin şəhidi Əliheydər Hüseynlinin xatirəsinə həsr etdiyi "Oğul düşmən çəpəridir" kitabları ilə birlikdə şəhidimizin ailəsini ziyarət etdi. Şairə xanım 14 apreldə ad günü olacaq şəhidimizin ailəsiylə həmsöhbət olduqdan sonra üz tutdu şəhidimizin təhsil aldığı Ağstafa rayonunda fəaliyyət göstərən Texniki Təmayüllü Liseyə. Kitabdan liseyin kitabxanası üçün hədiyyə verdikdən sonra şəhidimizin bacıları ilə birlikdə Ağstafa rayon Təhsil Şöbəsinə yola düşdülər. Təhsil şöbəsində şəxsən Mədəd Zeynalov şahidimizin ailəsini və şairə Esmira Günəşi böyük hörmət və ehtiramla qarşıladı. Rəhbərliklə görüşdən sonra şair-publisist AYB və AJB-nin üzvü Əli Cəfəroğlu qonaqları qəbul etdi. Şairə Esmira Günəş Əli müəllim üçün də imzalı kitab verdikdən sonra şəhidimizin ilk təhsil ocağı S.Əliyev adına Qırılı kənd tam orta məktəbində qonaq oldu. Məktəbin direktoru Gültəkin İsmayılova şairəni qarşılayaraq məktəbin şəhidləri ilə bağlı geniş məlumat verdi. Onlar birlikdə Əliheydərin sinifində olub xatirələrini təkrar yada saldılar. Məktəbin dəhlizində birinci Qarabağ savaşının şəhidləri ilə yanaşı həm də ikinci Qarabağ savaşında olan məktəbin beş məzun şəhidinin də şəkli ayrıca divardan asılmışdı. Gültəkin müəllimənin şəhidlərimizə olan diqqəti, məktəbdə şagirdlərin vətənpərvər ruhda yetişdirilməsi şairənin gözündən yayınmadı. Onu da qeyd edək ki, Təsil şöbəsinin rəhbərliyi Mədəd Zeynalov və Qırılı kənd tam orta məktəbinin direktoru Gültəkin müəllimə kitabla bağlı xoş sözlərini dilə gətirərək, ən qısa zamanda təqdimatların onlayn təşkil olunacağını, şəhidimizin bütün təhsil ocaqlarında tanıdılacağını bildirdilər. 
Sonda kitabın müəllifi və şəhidimizin ailəsi şəhidimizə dəyər verən hər kəsə təşəkkürünü bildirdi.
"Oğul düşmən çəpəridir!" Kitabı Ağıstafanın təhsil ocaqlarında yer aldı.
Ruhun şad olsun, şəhidim!