SON DƏQİQƏ

Şabran rayonu, Ugah kəndi. Orta əsrlərə aid Türbə. Görünüşünə görə, Alpan kəndində yerləşən Subaba Pirini ( Sufi Mikayıl) xatırladan bu abidə, çox güman ki, elə həmin dövrü əhatə edir. Yerli sakinin dediyinə görə Türbə Abu ibn Bəkir adlı ilahiyyətçi alimin adı ilə bağlıdır və Türbənin içərisində üç məzarın mövcudluğu, mərhumun ailə üzvlərinin olduğu söylənilir. Türbənin üzərində daş kitabə, içərisində isə məzar daşlarının fraqmentləri var. Bir zamanlar Türbənin içərisindən çoxsaylı dini ədəbiyyətin tapılması haqqında da məlumatlar var. Türbənin özü haqqında məlumat az olsa da, ziyarət edənlərin sayı heç də az deyil. Təssüflər olsun ki, bu cür əhəmiyyətli bir abidə indiyədək Dövlət qeydiyyatından keçməyib. Lakin Dövlət Xidmətinin Şabran Regional İdarəsinin, mütəxəssislərdən ibarət yeni komandası inanıram ki, yaxın gələcəkdə bu çatışmazlığı aradan qaldıracaq.

Atayeva Günay.
"Vətənim-Azərbaycandır.az".