SON DƏQİQƏ

"YayFest" adlanan festivalın məqsədi öyrətmənin və öyrənməyin yeni metodlarından istifadə etməklə bilikləri çatdırmaq, sosiallaşmanı təmin etməkdən ibarətdir. Şagird öz biliyini bacarıq şəklində təqdim etməyi öyrənir və zamanla buna alışır. Sonralar isə artıq bu bir vərdişə çevrilir.

Sərgidə nümayiş olunan əl və toxuculuq işləri, rəsm nümunələri, rəqs və muğam növləri festival iştirakçılarına təqdim olundu.

Həmçinin tarixi irsimizin qorunub saxlanması, milli mənəvi dəyərlərimizin gələcək nəsilə aşılanmasi məqsədilə, festivalda nümayiş olunan Azərbaycan xanlıqlarının yaradılmış maketi, şagirdlərin ifasında tariximizlə bağlı məlumatların festival iştirakçılarına çatdırılması düşünürəm ki, festival iştirakçıları üçün də maraq kəsb etdi.

Gələcəyimiz olan uşaqların belə festivallarda həvəslə İştirak etməsi məni çox sevindirir. Festivalda vətən üçün canından,qanından keçən Şəhidlərimizin bizlərə əmanət olan balaları da iştirak edirdi.

Allahdan şəhidlərimizə rəhmət, qazilərimizə və veteranlarımıza can sağlığı arzulayıram.

İlhamə Abdullayeva.