SON DƏQİQƏ

Sumqayıt Regional Mədəniyyət İdarəsinə tabe olan Səməd Vurğun adına Mərkəzi Kitabxanada Azərbaycan Yazıçılar Birliyinin üzvü, "Peşəyönümlü Təhsilin İnkişafına Dəstək" İctimai Birliyinin sədri, Prezident təqaüdçüsü İradə Əlilinin Qarabağ mövzusunda “Zəfər yolu”, “Bir damla göz yaşında torpaq həsrəti” və “Laçın həsrətim” kitablarının təqdimatı keçirilib.
Öncə torpaqlarımızın azadlığı uğrunda  canlarından keçən şəhidlərimizin xatirəsi bir dəqiqəlik sükutla yad edilib. 
Mərkəzləşdirilmiş Kitabxana Sisteminin direktoru Yeganə Əhmədova qonaqları salamlayaraq İradə Əlilinin yaradıcılığı və təqdim olunan kitablar haqqında iştirakçıları məlumatlandıraraq  sözü müəllifə  verib. 
İradə xanım  tədbir iştirakçılarını salamlayaraq  təqdim olunan hər üç  kitabın Qarabağa, onun tarixinə, şəhid və qazilərimizə həsr olunduğunu  və bu kitabların tarixi həqiqətləri dünya ölkələrinə çatdırılmasında  yardımçı bir vəsait ola biləcəyini qeyd edib. .
 Sonra söz çıxışçılara verilib. 
Azərbaycan Sahibkar Qadınlar İctimai Birliyinin sədri Zemfira Ağayeva, şairə xanım Elmira İsmayılova,  Finlandiyada Avropa Azərbaycanlıları konqresinin baş katibi Arzu Oqtay, tanınmış yazıçı, publisist, Azərbaycanın əməkdar jurnalisti Eyruz Məmmədov və AYB Sumqayıt bölməsinin sədri Gülnarə Cəmaləddin çıxışlarında Qarabağa, şəhidlərimizə həsr olunan  bu kitabların bu günlə səsləşdiyi, şəhid və qazilərimizə verilən diqqət olduğunu qeyd ediblər.Tədbirdə "Vətənim-Azərbaycandır.az" xəbər informasiya portalının Rəhbəri Kamran Orucovda iştirak etmişdir.  Finladiyada diasporanı təmsil edən Arzu xanım belə kitabların xarici dildə olmasını alqışlayaraq qeyd etdi ki, xaricdə Azərbaycan həqiqətlərini daha dolğun çatdırmaq üçün belə vəsaitlərin əldə olması çox vacibdir. Çünki xarici ölkədə biz bu vəsaitləri yayraq düşmən tərəfindən verilən məlumatları  təkzib etmiş oluruq.
Tədbir zamanı kitabxananın əməkdaşı, gənc şairə Gülnar Ümid və uşaq şöbəsinin əməkdaşı Lalə Muradova İradə xanimin lirik yaradıcılığına müraciət edərək şeirlərindən nümunələr səsləndiriblər. 
Tədbirdə şəhid ailələri və qazilərimiz də iştirak edib. Şəhid anaları adından şəhid anası Sürəyya Nəsibova, Ruhiyyə Əhmədova və qazilər adından Nizami Ağasiyev çıxış edərək müəllifə və belə tədbirlərin təşkilinə görə kitabxana rəhbərliyinə təşəkkür ediblər. 
Sonda müəllif tədbirdə iştirak edən şəhid ailələrinə, qazilərə sonsuz  təşəkkürünü bildirərək, öz üzərinə düşən missiyanı sona qədər yerinə yetirməyə və qələmə aldığı yazılarda hər bir şəhidimizi yaşatmağa çalışacağını bildirib.

Sumqayıt Mərkəzləşdirilmiş kitabxana sisteminin Direktor müavini  Natəvan Axundzadə  "Vətənim-Azərbaycandır.az"