ŞƏHİDLƏR ÖLMÜR.

16-03-2022, 10:33 532 dəfə baxılıb

Azərbaycan 44 günlük müharibədən sonra bütün dünyada Qalib ölkə kimi tanındı.30 il işğal altında qalmış torpaqlarımızı Möhtərəm Ali Baş Komandanımız İlham Əliyevin uzaq görən siyasəti və Qəhrəman Azərbaycan övladlarının 44 günlük müharibədə göstərdikləri şücaət nəticəsində Qalib adını qazandıq.
Qazancımız torpqlarımız olsada, itirdiyimiz övladlarımız gözlərimizin qan yaddaşına çevrilir,boğazımızda düyünlənən qəhərimiz olur.Sevincimiz kədərə ,kədərimiz həyat tərzimizə dönür.Şəhid olan övladlar,atalar,qardaşlar bizlər yaşadıqca yaşayar.
Respublikamızın təhsil ocaqlarında vətənpərvərliklə əlaqəli silsilə tədbirlər keçirilir.Bəzi məktəblərdə hər sinif otağna bir Şəhidimizin adı verilib.Belə məktəblərdən biri də Gəncə şəhər V.Veysəlov adına 30 saylı tam orta məktəbdir.Mart ayının 11 də məktəbin ibtidai sinif müəlliməsi Aynur müəllimənin təşəbbüsü və təşkilatçılığı ilə məktəbin 2 “c” sinifinə Şəhidimiz Hacı Rauf Əsgərovun adının verilməsi münasibəti ilə tədbir keçirildi.Tədbirdə məktəbin direktoru Vüsal Həsənov ,Şəhidimizin anası Briliyant xanım ,Şəhidimizin körpə balası ,məktəbin müəllim kollektivi və Gəncə şəhər İnsan Hüquqlarının Müdafiəsi və Ekologiyanın Qorunması mərkəzinin üzvüləri iştirak edirdi.
Tədbir Aynur müəllimənin çıxışı ilə başladı.Onun təlim verdiyi körpə fidanların çıxışları insanın qəlbini göynətdi.Bu , fidanların çıxışlarından kimsə göz yaşlarını saxlaya bilməzdi.Məktəbin direktoru Vüsal müəllimin göz yaşlarını görmək ,bu məktəblilərin necə ürəklə şerlər söyləyib qəlbimizi dağlamağının göstərgəsi idi.Kişilər ağlamaz amma itirdiyimiz qəhrəmanlarımız sözün həqiqi mənasında QƏHRƏMANLAR idi.Onları hər kəs yad edər ,kədərlənər ,qəhərlənər,ağlayar...
Hacı Rauf barədə kitablarla yazılar,dastanlar yazmaq olar. Bu gün Gəncədə eləcədə ölkəmizin bütün şəhərlərində şəhidlərimizin xatirəsi əziz tutulur.Şəhidimizin anası Briliyant xanım çıxışında bildirdiyi kimi Şəhidlər ölməzdir ;o zamana kimi ki,onları xatırlayanlar var.Məktəb şagirdlərinin belə vətənpərvər ruhda böyüməsində Aynur xanım kimi müəllimlərimizin əməyi danılmazdır.Bu gözəl təşəbbüsə görə məktəb rəhbərliyinə xüsusilədə Aynur müəlliməyə və bizlərə gözəl hisslər yaşadan məktəblilərimizə dərin minnətdarlığımı bildirirəm. Bu gün bizlər bu QƏHRƏMAN OĞULLARIMIZIN SAYƏSİNDƏ deyirik.QARABAĞ AZƏRBAYCANDIR!!!
Hörmətlə: Gəncə şəhər İnsan Hüquqlarının Müdafiəsi və Ekologiyanın Qorunması mərkəsinin sədri Sitarə Hacıyeva