SON DƏQİQƏ

Bu gün məhz o, oğullarımızdan biri, vətən mücahidi, bizim fəxrimiz olan şəhid Ceyhun qardaşımızın olduğca qısa və şərəfli ömür yolundan bəhs edəcəm sizə.
Ceyhun İsayev 2001-ci ildə Qubanın Gültəpə kəndində doğulub. Məktəbi bitirdikdən sonra Quba Tibb Kollecinə qəbul olub. Hərbi xidmətə getmək yaşı çatdığından, təhsilini müvəqqəti dayandıraraq əsgərliyə yollanıb. Hələ
Vətən Müharibəsinin ilk günündən döyüşlərə qatılan Ceyhun əvvəlcə Talış kəndinin və Suqovuşanın azad olunması uğrunda döyüşlərdə fəal iştirak edib. Qəhrəman döyüşçü sonradan Füzuli istiqamətində döyüşə qatılıb. Oktyabrın 26-da baş verən şiddətli döyüşdə düşmən gülləsinə tuş gələrək şəhidlik zirvəsinə ucalıb.
 Ölümü qədər acı verən məqam isə Ceyhunun bu dünyaya gəldiyi o xeyirsiz tarixdə də bu dünyadan köç etməsidir. Şəhadət zirvəsinə ucaldığı gün Ceyhunun  19 yaşı tamam olurdu.
Ceyhunun atası Ruslan İsayev  təkcə yaşadığı Gültəpə kəndinin deyil,  qonsulugda olan kənd camahatının  da hörmət və etibarını qazanan bir insan olub. Bizim üçün də bu ailə doğma bir ailədir. İnanın ki Ceyhunun şəhadət xəbəri onun qədər hər birimizin ürəyinə dağ çəkdi. Ruslan  ata deyir ki, televiziya poqramında qəhrəmanlıq göstərən döyüşçülərin şəkillərini göstərib, onlar haqqında danışırdılar. Şəkilləri Müdafiə Nazirliyi yaymışdı. Orda Ceyhunu görəndə gözlərimə inana bilmıdim və böyük bir fəxarət hissi yaşadım.Onda bildim ki, oğlum sağ-salamatdır. Oktyabrın 26-da Ceyhunun doğum günü idi. Səhər qardaşı ilə telefonla danışmışdı. Döyüş yoldaşlarının dediyinə görə, elə həmin söhbətdən iki saat sonra Ceyhun şəhidlik zirvəsinə ucalıb. Çox cəsur övlad olduğu üçün onunla fəxr edirik.
  Çoxlu arzuları vardı Ceyhunun. Kolleci bitirib həkim olmaq istəyirdi.
 Və nakam gözü bir ömür yaşlı qalan, ürəyinə Ceyhun dastanı yazılan, ic dünyası parça-parça olan   sevdiyi qız da vardı.  Müharibə acısı bu nakam gisməti yarım qoydu.
Şəhid Ceyhun İsayev ölümündən sonra “Suqovuşanın azad olunmasına görə” və “Vətən uğrunda” medalları ilə təltif olunub
 Ceyhun dünyasını dıəyişib, şəhadətin ən ali zirvəsinə ucalıb və cismani olaraq əzizlərini, onu sevənləri tərk edib!
Amma o ölümü ilə ölümsüzlüyə imza atanlardandır!
Səninlə fəxr edirik qardaşım!
Nur içində uyu!
Məkanın daima behişt oldun.
Allah bütün şəhidlərimizə rəhmət eləsin!

Nəhayət Şirinova
"Vətənim-Azərbaycandır.az" xəbər portalının şimal zonası üzrə rəhbəri
.