SON DƏQİQƏ

Ötən ilin sentyabrında Kiprdə tutulan, milyarder Teddi Saqi də daxil olmaqla bəzi israilli biznesmenləri öldürmək üçün İran xüsusi xidmət orqanlarının tapşırığı ilə göndərildiyi bildirilən azərbaycanlı Orxan Əsədovun işi üzrə mühüm yenilik var.

"Vətənim-Azərbaycandır.az" ın "virtualaz.org"a istinadən xəbərinə görə, iş üzrə fiqurantlardan biri özünü iki maddə üzrə təqsirli bilib və məhkəmədə Orxan Əsədovun əleyhinə ifadə verəcək.
Bu, Kipr prokurorluğunun səs-küylü məhkəmə işində mühüm qələbəsi hesab edilir. Özünü təqsirli bilən fiqurant Livan əsilli, 21 yaşlı Kipr vətəndaşıdır. Onun tibb təhsili aldığı bildirilir və O.Əsədovla əlbir olduğuna görə həbs edilmişdi.
Fotoda milyarder Teddi Saqi

O.Əsədova qarşı onlarla maddə, o cümlədən, terrorçuluq maddəsi ilə ittiham irəli sürülüb. O, Rusiya vətəndaşıdır, Moskvada ticarət və taksi fəaliyyəti ilə məşğul olub, İsrail mənbələri Əsədovun İran xüsusi xidmət orqanlarının agenti olduğunu və onun yaxalanması əməliyyatının “Mossad”ın iştirakı ilə həyata keçirildiyini bildirir.
Məlumata görə, 21 yaşlı fiqurant Orxan Əsədovla əlbir olduğunu etiraf edib, onun terror planından xəbərdar olduğunu təsdiqlədiyi və bu haqda xəbər vermədiyini etiraf etdiyi bildirilir. Xəbər verildiyi kimi, bu iş üzrə O.Əsədovla birlikdə cəmi 6 nəfər həbs edilib. Onlardan ikisi Pakistan əsillidir, Kiprdə yemək çatdırma xidmətində kuryer işləyirdi.

İş üzrə məhkəmə prosesi qapalı keçirilir, Kipr polisi məhkəmə ətrafında güclü təhlükəsizlik tədbirləri görüb və bunu milli təhlükəsizlik məsələsi ilə izah edir. İş üzrə fiqurantların adları da məxfi saxlanılır. O.Əsədovun adı isə ötən ilin sonlarında KİV-ə məlum olmuşdu.
Onun qardaşı Kiprdə məhkəmə qarşısında jurnalistlərə bildirmişdi ki, irəli sürülən ittihamlar əsassızdır. Dediyinə görə, qardaşı beş uşaq atasıdır, əlildir və belə adamın onlarla cangüdənlə dolaşan biznesmeni öldürmək üçün göndərilməsi ağlabatan deyil