SON DƏQİQƏ

“Bəzi heyvanların ovlanması zəruridir. Onların sayının çoxalması ilə insanlara da zərər verilə bilər. Hətta bəzi ölkələrdə tülkü və çaqqal kimi heyvanların ovlanmasına görə pul verilir. Çünki onların artması təbiətdəki harmoniyanı pozur”.

“Vətənim-Azərbaycandır.az” xəbər verir ki, bu barədə Azərbaycan Təbiət və Ov Turizmi Assosiasiyasının sədri Ramin Zamanov bildirib.
O qeyd edib ki, bəzi ölkələr ov turizmi vasitəsilə öz ölkələrinə valyuta axını təmin edirlər:
“Həmin ölkələrdə bəzi heyvanlar çoxaldılır, sonra isə lisenziyası həm əcnəbi, həm də yerli şəxslərə satılır. Gələnlər isə biz bilirik ki, bir neçə günlük gələndə hər gün ov etmirlər. Həm də ölkənin gəzməli yerlərinə gedirlər, muzeylərini gəzirlər və ölkənin turizminə təkan verirlər”.