SON DƏQİQƏ

Krım yarımadası Or bərzəxi vasitəsilə materikə birləşir. Yarımadada Krım Respublikası yerləşir. Hələ 1441-ci ildə Girəy nəslindən Hacı xan Krımda xanlıq qurmuşdu. 1475- ci ildə xanlıq Osmanlı imperiyasından asılılığa düşür,  1783- cü ildə Rusiya Krımı istila edir və xanlığın mövcudluğuna  son qoyur. Yüz minlərlə Krım tatarı yarımadanı tərk edib, Türkiyəyə köçür. Beləliklə, bu xalq Krımda etnik çoxluqdan etnik azlığa çevrilir. Bu günlərdə isə Krımda ruslar, ukraynalılar, Krım tatarları, beloruslar, tatarlar, azərbaycanlılar,  və yəhudilər yaşayır.  Bu çoxmillətli xalqlar arasında dostluq körpüsü salan, milli mədəniyyətimizi, milli mətbəximizi, milli adət-ənənələrimizi, xalqımızın haqq səsini digər millətlərə yaxından tanıdan qoçaq, vətənpərvər, qorxmaz, həqiqət tərəfdarı, həmyerlimiz ”Rusiya Azərbaycan Qadınları İctimai Birliyi”nin üzvü Arifə xanım Muxtarovadır. Arifə xanım hələ gənc yaşlarından öz fəallığı, ağlı-kamalı, təşəbbüskarlığı ilə həmyaşıdları arasında seçilir. Tale elə gətirir ki, ömrünün çox ilini Krım torpağında yaşayıb , yaratmalı olur. Öz fəallığı ilə qürbət eldə də Vətən naminə işlərini davam etdirir, öz ətrafına xeyli sayda məslək yoldaşı yığaraq nəinki daxili birliyi qoruyub saxlamağa çalışır, eyni zamanda digər millətlər arasında qarşılıqlı diplomatik əlaqələrin qurulmasında yaxından iştirak edir. Arifə xanım hər zaman öz çıxışlarında qeyd edir ki, Qadın sülh rəmzidir! O, hər zaman  daxili və qeyri-milli təşkilatlar arasında birliyə , mehribançılığa böyük dəyər verdiyini vurğulayır, haqq yolunda atdığı addımlarından qürur hissi duyduğunu bildirir. Arifə xanım həmişə bacarıqlı, ağıllı , düşüncəli xanımlarımızı müsbət istiqamətə yönəldir və qeyd edir ki, Azərbaycan Qadını bir işin ucundan yapışdısa, sona kimi onu aparıb çıxardacaq.       
Hörmətli xanımımız bir çox Vətən mövzulu şeirlərin müəllifidir. Elə söhbətimizi də onun, xalq artisti Əli Nurun Qarabağ torpağında şəhid olan oğluna  dediyi "Salam, oğul!" şeirinə cavab yazdığı şeirin son misraları ilə bitirmək istəyirəm.                                                                       
Salam, Ata!                                                                     
Biz poladdan yoğrulmuş Polad ƏSGƏRLƏRİYİK,  Burda da bircə əmrə  TABEYİK!                                              
Durmadan, Dayanmadan,.                                                                                                                                İRƏLİLƏYİRİK!      
Allah cəmi şəhidlərimizə rəhmət etsin. Məkanları cənnət olsun!

Məqalənin müəllifi: Həsənova Sevda Cəfər qızı.

Hörmətlə:
“Rusiya Azərbaycan Qadınları İctimai Birliyi” nin rəhbəri 
Qəmbərova Xatirə Arif qızı.




VETENİM-AZERBAYCANDIR.AZ