SON DƏQİQƏ

Oktyabrın 7-si Litvanın Vilnusda yerləşən Mykolas Romeris Universitetində (MRUNI) əcnəbi tələbələrin iştirakı ilə beynəlxalq tədbir - sərgi keçirilmişdir. Tədbirdə universitetin əcnəbi tələbələri öz milli mədəniyyətlərini nümayiş etdirmişdirlər. Sərgidə Azərbaycan, Türkiyə, Ukrayna, Keniya, İtaliya, Ispaniya, Yaponiya, Fransa, Almaniya və digər ölkələrin vətəndaşları iştirak etdilər.
Beynəlxalq tədbirdə Azərbaycanı təmsil edən komanda milli mətbəximizin şah yeməyi olan qaralı plov və üç bacı dolmasını bişirib tədbir iştirakçılarına dadmaq üçün sərgiləmişdirlər. Azərbaycan stentində dövlət atributumuz olan bayraq, pul, o cümlədən Qarabağ tarixi adlı kitab da yer almışdır, Azərbaycanlı tələbələr Yallı rəqsini edərək digər əcnəbiləri də milli rəqsimizin sədaları altında rəqs etməyə dəvət ediblər.
Tədbirdə Litvada təhsil alan Şəms Kamilli (Hüquq və qlobal təhlükəsizlik), Coşqun Mehdiyev (İqtisadiyyat) Şəfa Məlikzadə (İqtisadiyyat), Hüseyn Zairov (Maliyyə) və Rəna Quliyeva (İnformasiya təhlükəsizliyi), Əli Qurbanov (İnformasiya texnologiyaları), Günay Qaralova (Dövlət İdarəetməsi və Biznes), Sevin Mazakoğlu ( Dicital Marketinq və kommunikasiya), Məryəm Xələfova (İqtisadiyyat)
Nigar Cəlilzadə (İqtisadiyyat), Fidan Salmanova (Hüquq) Azərbaycanı təmsil ediblər. Azərbaycan komandasi 1 ci yerə layiq görülərək qalib olublar. Qaliblər MRUNI tərəfindən hədiyyə ilə mükafatlandırılıb.
Məlumat üçün bildirək ki, C.Mehdiyev, Ş.Məlikzadə, Əli Qurbanov, Azərbaycan Dövlət Gömrük Komitəsinin Akademiyasından,H.Zairov, M.Xələfova, N.Cəlilzadə Azərbaycan Dövlət İqtisad Universtetindən və Fidan Salmanova ADA Universitetindən ERASMUS proqramı çərçivəsində Litvanın Mykolos Romeyres Universitetinə mübadilə olunublar

                  ŞƏMS KAMİLLİ VİLNÜS ŞƏHƏRİ.
 
VETENİM-AZƏRBAYCANDIR.AZ