SON DƏQİQƏ

Çağdaş Azərbaycan Kültür dərnəyinin  başkanı Camal Məmmədxanoğlu,başkan köməkçisi Murtaza Karaçantanın təşəbbüsü ilə  dərnəyin  Azərbaycan üzərə rəhbəri şairə-publisist Nəsibə İsrafilqızı  Azərbaycan Yazıçılar Birliyinin,Natavan klubunda yazıçı publisist Oktay Ərgünəşin və yazıçı Pərvanə Mehmanqızının Azərbaycan Milli Qəhrəmanı olan Şükür Həmidova həsr olunmuş "Vətən Sənə Oğul dedi" kitabının təqdimatını keçirib. 
Təqdimat mərasimini Azərbaycan Yazıçılar Birliyinin sədr müavini şair Rəşad Məcid  açdı.Tədbirdə Qarabağ uğrunda döyüşlərdə şəhid olan  vətən övladlarımızın əzuz  xatirəsi bir dəqiqəlik sükutla yad edildi.
Daha sonra söz Qubadlı yazarlar birliyinin sədri Namiq Mənaya verildi. 

44 günlük müharibə qəhrəmanlarımız biran belə olsun unudulmur.Bu gün əgər ki,biz torpağın üstündə rahat,firavan yaşaya biliriksə bu,torpağın altında uyuyan şəhidlərimizin sayəsindədir.
Onlardan biri də Şəhid polkovnik Şükür Həmidovdur..Qubadlının şəhid övladı..Ürəyində torpaq nisgili daşıyan Milli Qəhrəmanımız..Ən böyük arzusu idi Qubadlını azad görmək..
Müharibənin yeni-yeni alovlandığı 1990-cı ildə Şükür Həmidov sənədlərini Cəmşid Naxçıvanski adına Hərbi Liseyə vermişdir.1993-cü ildə oradan məzun olan Şükür Həmidov, həmin ildəcə sənədlərini Bakı Ali Birləşmiş Komandalıq Məktəbinə (BABKM) verir.Şükür Həmidov 1993-cü il avqustun 1-də Bakı Ali Birləşmiş Komandalıq Məktəbinə qəbul olur və 1995-ci ildə oranı "Motoatıcı" ixtisası üzrə bitirir. 

2006-cı ilin avqustundan isə Şükür Həmidov ixtisasın artırılması üçün Azərbaycan Silahlı Qüvvələrinin Hərbi Akademiyasının müdavimi olur. 2008-ci il iyunun 25-də təhsilini uğurla başa vurur...
"Qubadlının azad olduğunu görmək üçün canımı verməyə hazıram"deyən Şəhid Milli Qəhrəmanımız öz arzusuna çatır, Polkovnik Şükür Həmidov 2020-ci il oktyabrın 22-də səhər radələrində Qubadlı rayonu istiqamətində döyüş zamanı ön xətdə şəhid olur..
Təqdimat mərasimində Milli Qəhrəmanımızın atası Nəriman Həmidov, həyat yoldaşı Könül xanım, qardaşı Əsəd Həmidov,  hərbiçilər,zabitlər, qazilər həmçinin yazarlar, akademiklər,  filologiya elmlər doktoru İmaməddin Zəkiyev, Vətən Müharibəsi Qəhrəmanı Nizami Mövlanov,döyüş yoldaşları polkovnik Elmar Hüseynov,  polkovnik Neymət Məmmədov,polkovnik-leytenant Şahin Ağayev,polkovnik -leytenant Bəhrəm Abdullayev,mayor İntiqam Əmirov,mayor Adilov Elşən,Peşə təhsili və İnsan kapitalı jurnalının baş redaktoru Şahbaz Balakişiyev, araşdırmaçı tarixçi Nazim Tapdıqoğlu, Ağdaş təhsil işçiləri Evinin rəhbəri Nargilə Dosməmmədova, Milli Qəhrəmanlar Birliyinin sədri Hacı Ədaıət iştirak edirdilər.Tədbirdə söz alan iştirakçılar  Milli Qəhrəmanımız haqqında öz ürək sözlərini bildirdilər.
Şairə-puplisist Nəsibə İsrafilqızı öz çıxışında Milli Qəhrəmanın atası Nəriman Həmidova öz ürək sözlərini dilə gətirdi.
Azərbaycan-Türkiyə jurnalının təsisçi redaktoru Anna Şahbazqızı və baş redaktor Zərnişan Turan öz çıxışlarında Milli Qəhrəmanımızın ömür yolundan bəhs etdilər.
Sonda tədbir iştirakçıları Milli Qəhrəmanın ailə üzvləri ilə xatirə fotosu çəkdiriblər.
Şəhidimizin ailə üzvləri və  "Vətən sənə oğul dedi" kitabının müəllifləri Çağdaş Azərbaycan  Kültür Dərnəyinin başkanı Camal Məmmədxanoğluna,başkan köməkçisi Murtaza Karaçantaya və dərnəyin   Azərbaycan üzərə rəhbəri şairə-publisist Nəsibə İsrafilqızına təşəkkürlərini bildiriblər. 

Azərbaycanın  Milli Qəhrəmanı , polkovnik Şükür Nəriman oğlu Həmidov şəhidlik zirvəsinə ucalaraq adını  Azərbaycan Qəhrəmanlıq səlnaməsinə  qızıl hərflərlə yazdırmışdır..
Şəhidlər Ölməz,Vətən Bölünməz!!!
                        ÇİNARƏ SEYRAN