SON DƏQİQƏ

Suraxanı rayonu Qaraçuxur qəsəsbəsində 02.10.2022 il tarixində 44 günlük Vətən Müharibəsi Qəhrəmanı Şəhid Muxtar Qasımlının anım günündə onun xatirəsini əziz tutaraq şəhidimizin adını daşıyan MUXTAR QASIMLI adına İdman Mərkəzinin açılışı  olmuşdur və bu idman mərkəzi haqqında ictimayət malumatlandırılmışdır.  
   Şəhidlərimizin haqqında xəbər hazırlamaq, onların xatirəsini əziz tutaraq gücümüzün yetdiyi  sahələrdən onların xatirəsini yaşatmaq hər birimizin vicdan borcudur. Fikrimcə şəhidlərimizin xatirəsini yaşatmaq məqsədi ilə, edə biləcəyimiz mənəvi dəstəklərlə   az da olsa ölməz qəhrəmanlarımızın  valideyinlərinin yanında olmuş olarıq. Muxtar Qasımlı haqqında  xəbər hazırlamaq mənim üçün həm çox ağır, həm məsuliyyətli, eyni zamanda da, çox şərəflidir. Ona görə ağırdır ki, Muxtar öz canını qurban verməyi göz önünə alaraq mənim doğulduğum, yenidən məskunlaşacağım dogma Füzulimi mənə geri qaytardı. Sabah həmin torpaqlarda rahatlıqla gəzə biləcəyiksə bunu Muxtar və onun kimi minlərlə ölməz qəhrəmanlarımıza borcluyuq.  
    Şəhidimizin atası Əli Qasımlının fikirlərini sizinlə bölüşmək istəyərdim. Əli dayı belə İdman Mərkəzlərinin açılmasını təqdirə layiq hal hesab etdiyini bildirdi. O, idmanın sağlamlığın mənbəyi olması ilə bərabər, eyni zamanda burada məşqlərə qatılan uşaqların  vətənpərvərlik ruhunda böyüyəcəklərini xüsusi qeyd etdi.
    Məhs elə  Dünya və Avropa çempionu Malik Abbasovun rəhbərlik etdiyi Muxtar Qasımlı adına İdman Mərkəzinin açılmış olmasınıda buna nümunə göstərmək olar. Malik müəllimin rəhbərlik etdiyi İdman Mərkəzində bütün standartlara uyğun şərait vardır. Burada uşaqlarla bərabər böyüklər üçün də Fitnes və idman zalları mövcuddur. 
 Muxtar Qasımlı adına zalının Baş meneceri, Azərbaycan cempionu  Mehdiyev Vüsal müəllim Fitnes zalında gənclərimizin idmana olan marağının artırılması yönündə, onlara daima “Sağlam Bədəndə Sağlam Ruh Olar” devizini aşılayaraq hər zaman gənclərimizin səmərəli vaxtlarını idmana sərf edərək sağlamlıqlarının keşiyində durmaları üçün dəstək olur.
  Zalda olduğum zaman Beynəlxalq dərəcəli 2-ci dan Qara Kəmər ustası Natiq Həsənovun Karate Kokşin Kay (KARETE)idman növü üzrə məşq  prosessini də izlədim. Natiq müəllimin məşq zamanı  uşaqlarda idmana necə həvəs yatardığının şahidi oldum. 
        Siz burada Muxtar Qasımlı adına idman mərkəzinin karate müəllimi, dünya və avropa çempionu, əməkdar məşqçi Siyavuş Bayramovla, Vətən müharibəsinin iştirakçısı, ehtiyatda olan xüsusi təyinatlı zabit, idman mərkəzinin Cüdo və Kinboks üzrə baş məşqçisi İlham Məmmədovla birlikdə məşqlərə qatıla bilərsiniz. 
   MUXTAR QASIMLI adına İdman Mərkəzində  bir çox idman növləri üzrə məşqlər keçirilir.

KARATE- WKF                                              GÜLƏŞ 
KOKŞİN KAY (KARATE)                                BOKS
HƏRBİ-DÖYÜŞ NÖVÜ                                 CUDO
KİNQ BOKS                                                    CİU-CİTSU
GİMNASTİKA                                                 AEROBİKA
RƏQS

 Sizlər də özünüzün və övladlarınızın sağlam gələcəyini görmək istəyirsinizsə buyurub Suraxanı rayonu, Qaraçuxur qəsəbəsində yerləşən ŞƏHİD MUXTAR QASIMLI adına İDMAN MƏRKƏZİNƏ gələ bilərsiz. MUXTAR QASIMLI adına İDMAN MƏRKƏZİNDƏ siz peşəkar müəllim heyəti ilə birgə məşq edəcəksiniz.
 Ünvan: Suraxanı rayonu, Qayaçuxur qəsəbəsi, Yusif Eyvazov 2 C  küçəsi. 
Telefon: +994 99 356 19 99

Əfsanə Əliyeva

Vetenim-Azerbaycandır.Az