SON DƏQİQƏ

Bildiyimiz kimi ölkəmizdə diğər sahələrdə olduğu kimi, təhsilin inkişafı istiqamətində də böyük uğurlara imza atılır, təhsil səviyyəsinin yüksəldilməsi uğrunda böyük işlər görülür. 
BMZ Kollecinin  açılış mərasimi baş tutdu.Təsisçisi Sadıqova Çinarə Vaqif qızıdır. Açılış mərasimində gənc təhsil insanları, menecerlər, ictimaiyyət nümayəndələri, müxtəlif peşə sahibləri, media nümayəndələri, o cümlədən Vətənim-Azərbaycandır.az xəbərlər informasiya portalının təsisçisi və baş redaktoru Kamran Orucov da iştirak edirdi. 
Tədbirdə açılış nitqi ilə Çinarə xanım çıxış etdi, bu təşəbbüsün məramından, qarşılarına qoyduğları məqsədlərdən danışıb. Azərbaycan gənclərinin xarici ölkədə təhsil mərkəzlərinə qəbulu üçün olduğca münbit şərait yaradıldığını vurğulayıb. Qeyd edək ki, Çinarə xanım tale yoluna qətliam yazılmış, 30 il əsarətə məhkum olmuş, əbədi, əzəli, tarixi Azərbaycan torpağı, diyarı olan Xocalıdandır. 
O öz nitqində bütün bu məqamlara toxunaraq, ölkəmizin 44 gün ərzində haqlı vətən savaşına qalxaraq əldə etdiyi qələbəmizdən bəhs edib.
Sonra söz Vətənim-Azərbaycandır.az xəbərlər informasiya portalının təsisçisi və baş redaktoru Kamran Orucova verilib. Kamran müəllim öz çıxışında ölkəmizdə gənclərə göstərilən dövlət qayğısından, xaricdə təhsil almaq üçün  yaradılan şərait və mühit haqqında danışıb və kollektivə fəaliyyətlərində uğurlar arzulayıb. 
Daha sonra icraçı direktor Ülkər Fətəliyeva çıxış edərək, kollecə gənclərin qəbulu haqında dolğun məlumatlar verib. "Marsol MMC" Şirkətinin nümayəndəsi Dəmirova Aysel xanım, sonra şirkətin meneceri Qasımova Aysel, şirkətin nümayəndəsi, idarə heyətinin sədr müavini  Fərid Rəcəbli çıxış etmişdir. 
Qeyd edək ki, kollec Bakı Şəhəri Nigar Rəfibəyli küçəsi 20 ünvanında yerləşir və istənilən şəxslər marağlanıb müraciət edə bilər. Bu tədris mərkəzinin istər rəhbərliyi istərsə də bu komandada olan insanlar olduğca işgüzar, işinin peşəkarı olan insanlardır.
Bizdə öz adımızdan təbrik edir, tədris mərkəzinə uğurlar diləyirik.






Nəhayət Şirinova.
Vətənim-Azərbaycandır.az xəbərlər informasiya portalının  redaktoru.




VETENİM-AZƏRBAYCANDIR.AZ