SON DƏQİQƏ

Vetenim-Azerbaycandir.az
İkinci Vətən müharibəsində, yəni 44 günlük savaşda 30 ilə yaxın erməni işğalı altında olan Qarabağ torpaqlarımızın azad edilməsində döyüşlərdə yaralanan qazimiz Qədirov Qədir Asif oğlunun evində çəkilişdə olduq. Çəkiliş zamanı mən qazimizin həyat hekayəsi ilə tanış oldum.

O, Cənnət Qarabağ torpaqlarımızın azad edilməsində qəhrəmancasına döyüşərək ciddi xəsarətlər almışdır. Buna görə də qazimiz Qədir Asif oğlunun müayinə və müalicə olunmasına ehtiyacı vardır.

Qaradağ Rayon 19 saylı Birləşmiş Şəhər Xəstəxanasının baş həkimi Elçin Hüseynovla həmsöhbət olarkən qazimizin durumu onu bir vətənpərvər insan kimi narahat etdi və dərhal Qədirin müayinə və müalicəsini boynuna götürərək, ona köməklik edəcəyini bildirdi. Onu da nəzərinizə çatdırım ki, Elçin həkim həmişə qazi və şəhid ailələrinə diqqət və qayğı göstərmişdir. Buna görə də həkimin göstərdiyi xeyirxah əməllərinə qiymət verilərək o, dəfələrlə "Fəxri Fərman" və müxtəlif növ naminasiyalarla təltif edilmişdir.
Bəli, Elçin Hüseynovun 44 günlük Vətən müharibəsində istər mənəvi, istərsə də maddi dəstəyi heç də az olmayıbdır. Düzdür o, göstərdiyi bu xeyirxah əməllərini gizli saxlasada bizlərin hər birimizin bu haqda məlumatımız vardır.

P.S. Sonda məndə Qaradağ rayon "Şəhid Ailələrinə Yardım və Hüquqlarının Müdafiəsi" iB- nin sədri olaraq kollektivimiz adından Elçin həkimə şəhidlərimizə, onların ailələrinə, qazilərimizə göstərdiyi diqqət, qayğı və dəstəyə görə dərin təşəkkürümüzü bildiririk.