SON DƏQİQƏ

Vetenim-Azerbaycandir.az

İnsan dünyaya bir dəfə gəlir. Onun necə yaşaması, hansı sənəti seçməsi öz əlindədir. Haqqında yazacağım Murad Telman oğlu Mirzəyev kimi. O, 13 yaşında ikən C.Naxçıvanski adına hərbi liseyi seçdi. Oxuduğu müddət ərzində hər kəsin hörmət və rəğbətini qazandı. Üç ildən sonra təhsilini davam etmək üçün Türkiyənin Ankara şəhərinə üz tutdu. Orada Kara Harp Okulunda ali təhsilə başladı.
Təhsil aldığı illər ərzində dəfələrlə fəxri fərmanlara layiq gödüldü. Nəhayət oranı fərqlənmə ilə bitirib Azərbaycana qayıdır. Öyrənmək, hərbin sirlərini dərindən mənimsəmək ən böyük arzusu idi. Böyük dövlətlərdə dəfələrlə təlimlər keçmişdi. Vətən üçün çox dəyərli zabit idi. Polkovnik-leytenant Murad Mirzəyev XTQ də öz vəzifə borcunu yerinə yetirirdi. Tabeçiliyində olan hərbi qulluqçularla ən qaynar nöqtələrdə olardı.
Azğınlaşmış erməni vandalları durmadan ərazilərimizi atəşə tutur, Tərtər rayonunu da işğal eyməyə can atırdı. Murad Mirzəyev 2016-cı il martın axırlarında tabeçiliyində olan hərbi qulluqçularla qaynar nöqtələrə yola düşür. 3-4 gün davam edən Aprel döyüşlərində 29 nəfər hərbi qulluqçu şəhid olur. Onların arasında Murad Mirzəyev də vardı. Onlar şəhid olsalar da, 2000 hektar ərazini düşməndən təmizləməyə nail oldular.
Ölümündən sonra Azərbaycanın Milli Qəhrəmanı adına layiq görülən Murad Mirzəyev, Saleh Qurbanovun təsisçiliyi ilə Moskvada nəşr olunan "Vətən çağırır" qəzetinin növbəti, - sayca 28-ci kitabı məhz onun haqqında yazılmışdır.
Kitabın ərsəyə gəlməsində Moskva vilayəti Dmitrov rayonu üzrə Azərbaycan diasporasının sədri, Rusiya Miqrantlar Federasiyasının Moskva vilayəti üzrə regional bölmənin rəhbəri Seyran İsmayıl oğlu Hüseynovun  böyük rolu olmuşdur.
Qeyd etmək istəyirəm ki, Seyran Hüseynov bu günə qədər şəhidlər haqqında yazılan bir çox kitablara sponsorluq etmişdir.  Onun şəhid ailələrinə verdiyi dəyər danılmazdır. Artıq "Vətən çağırır" qəzetinin 28-ci kitabı oxucuların ixtiyarına verilir. Kitablar pulsuzdur. 
Seyran Hüseynov kimi oğullarımızın və eləcədə digər heyət üzvülərinin sayəsində şəhidlərimiz unudulmayacaqdır.

Gülsüm ADİLQIZI

Moskvada nəşr olunan "Vətən çağırır" qəzetinin baş redaktoru