SON DƏQİQƏ

VETENİM-AZERBAYCANDIR.AZ
Bir şagirdin bacarığını üzə çıxarmaq üçün məktəb və müəllimin üzərinə böyük yük düşür. Savadlı şagird isə ibtidai sinif müəlliminin cəmiyyətə verdiyi mükafatdır. Xaçmaz şəhər C.Cabbarlı adına 6 nömrəli tam orta məktəbin ibtidai sinif müəllimi Flora Alışova sosial şəbəkədə tez-tez Zeynəbnur Əlizadənin rəsmlərini paylaşır və onun uğurları haqqında məlumat yazırdı. Bu bir şagirdin uğuru deyil, müəllimin də uğurudur. Zeynəbnur Ramiq qızı Əlizadə 4-cü sinif şagirdidir. Dərs əlaçısıdır. Maraqlı rəsmlər çəkir,hərdən ilhama gələndə öz yaşı çərçivəsində şeirlər də yazır. 2-ci  sınıfdən başlayaraq Xaçmaz rayonunda fəaliyyət göstərən "Uğur", " Xaçmaz" hazırlıq kurslarında keçirilən sınaq imtahanlarında öz bilik səviyyəsini yoxlamış və yüksək nəticə əldə etmışdi.Zeynəbnurun belə bacarıqlı olduğunu görən müəllimi və valideynləri onun dəqiq elmlərə maraq göstərdiyini hiss edir.O, ilk böyük uğurunu FİSO Beynəlxalq Məntiq Olimpiyadasının Respublika turunda qazanır və qızıl medala layiq görülür, bundan sonra onun qarşısına Amerikaya yol açılır. 32 ölkənin qatıldığı Olimpiyadaya  2023-cü ilin may ayında  Zeynəbnur  online qoşulur. Yaşıdları arasında keçirilən məntiq yarışmasında 25 sualı  25 dəqiqəyə cavablandırmaq lazım idi. Yarışmaçı öz bacarığı ilə işin öhtəsindən qismən gələrək III  yeri tutur və bürünc medalla  təltif  olunur.  Balaca həmsöhbətim fikirlərini aydın şəkildə ifadə etməyi bacarır. O, bildirdi ki, "gələcək seçimində  dəqiq elmlərə üstünlük verəcək." Bəlkə də mən hazırda gələcəyin Lütfü Zadə davamçısı ilə həmsöhbət olurdum.Atasının işi ilə əlaqədar Xaçmaz rayonunda yaşayan Zeynəbnurun çoxlu rəfiqəsi var. "Dostluq- bir birinə qarışı mehribanlıq və qayğıkeşlikdir" - dedi. "Mən onları unutmayacağam və yay tətilində Xaçmaza gələcəklərini-  vurğuladı."Fürsətdən istifadə edib, Flora müəllim haqqında da danışdıq."Flora müəllimə mənim ilk müəllimimdir. Onun sayəsində mən ibtidai biliklərə yiyələnmişəm. O, bizi tez-tez qazilərlə görüşdürür. Onlar bizə iştirak etdiyi döyüşlərdən danışırlar."Balaca qızımız Zeynəbnura dərslərində müvəffəqiyyətlər arzu edirəm. Uğurları bol olsun!
Xoş arzularla...
Gülxar Rəhimli.
Vətənim-Azərvaycandır.az.