SON DƏQİQƏ

Xəbər verdiyimiz kimi, bu gün Polşanın paytaxtı Varşava şəhərində ABŞ Prezidenti Co Baydenlə Ukraynanın xarici işlər naziri Dmitri Kuleba və müdafiə naziri Aleksey Reznikov arasında görüş keçirilib.

“Vətənim-Azərbaycandır.az” “RBK Ukraina”ya istinadən xəbər verir ki, Dmitri Kuleba Baydenlə görüşün təfərrüatını açıqlayıb:
“Bayden mənə iki şey dedi. Birincisi, Ukraynada baş verənlər XXI əsri dəyişdirəcək. O, bu barədə aydın anlayışa sahibdir – bu, Rusiyanın Ukraynaya qarşı müharibəsi deyil, bu, tiranlığın bütün dünyaya qarşı müharibəsidir. İkincisi isə, Bayden bildirib ki, ABŞ bizim qələbəmiz üçün bütün məsələlərdə qətiyyətlə Ukraynanın yanında olacaq, heç bir şey ABŞ-ı Ukraynadan uzaqlaşmağa və dəstəyi zəiflətməyə məcbur edə bilməz, əksinə, dəstək gücləndiriləcək”.