SON DƏQİQƏ

İraqın Ərbil şəhərində dünən gecədən etibarən yağan güclü yağış daşqınlara səbəb olub.

“Vətənim-Azərbaycandır.az” TRT-yə istinadən xəbər verir ki, aralarında bir nəfər Türkiyə vətəndaşı da olmaqla, 12 nəfər həyatını itirib.
Bu barədə Türkiyənin Bağdaddakı səfirliyi başsağlığı mesajı yayıb.
Ərbilin Dara Tu qəsəbəsini sel vurub. Gecə boyu yağan yağış onlarla evi su altında qoyub.
Böyük dağıntıların baş verdiyi üç məhəllədə 10 aylıq körpə ölüb.
Bir nəfərin ildırım vurması nəticəsində öldüyü açıqlanıb.
Daşqından zərər çəkənlərə kömək üçün gələn Mülki Müdafiə Müdirliyinə məxsus avtomobil də su altında qalıb. İçindəki dörd nəfəri son anda xilas etmək mümkün olub.
Ərbil valisi Ümit Hüsnav daşqın bölgəsində vəziyyətin nəzarət altına alındığını açıqlayıb.