08:26 - Ermənistanda Azərbaycan Silahlı Qüvvələri ilə bağlı cinayət işinə xitam verildi
08:25 - İlham Əliyevin ölkə liderlərinə ünvanladığı məktublar BMT-dəki daimi nümayəndələrə çatdırılıb - FOTO
23:10 - “İSİM”- YAY MƏKTƏBİ KOMPANİYASI BAŞLATDI.
23:01 - Bakı-Tbilisi-Qars dəmir yolu xəttində modernləşdirmə işləri başa çatıb - MÜSAHİBƏ + FOTO
23:00 - İlham Əliyevdən ortamüddətli xərclərlə bağlı FƏRMAN
08:50 - Ülviyyə Zülfiqar televiziya rəhbəri təyin olundu
21:20 - Dialoq vasitəsilə qlobal təhlükəsizliyi gücləndirmək fürsətimiz var - RƏY
21:14 - Məzahir Pənahovdan erkən parlament seçkisi anonsu - Xəbərlərin 20:00 buraxılışı
21:11 - Azərbaycanlı cütlük “Prezident Kuboku 2024” beynəlxalq reqatasında üçüncü olub
17:40 - Sahibə Qafarova: “Multikulturalizm xalqımızın həyat tərzidir”
17:36 - İlham Əliyev akademiyaya yeni rektor təyin etdi
17:30 - "Güney Azərbaycan folkloru" layihəsinin XVI cildi təqdim olundu.
16:27 - Almaniya-Azərbaycan əlaqələri böyük potensiala malikdir.
Vəhdət
Deyirlər, gözəllik dünyanı xilas edəcək. Bəs gözəlliyi nə xilas edəcək? Axı,gözəlliyin özünün də həmişə xilaskara ehtiyaçı var. Məncə gözəlliyin yeganə xilaskarı sevgidir. Sevilməyən gözəllik solur, məhv olur. Bəlkə elə dünyanı bu vəhdət xilas edəcək?! Gözəlliklə sevginin vəhdəti. İncə, zərif bir Çiçək hündür, iri gövdəli Çinar ağacına dəlicəsinə aşiq olur. Çinar ağaçı da Çiçəyə vurulur. Lakin o, Çiçəyi sarmaşıqla qolboyun görüb onun həmən sarmaşığa aşiq olduğunu sanır. Məğrur, incə Çiçək sevdiyi ağaca ürəyini aça bilmir. Onun əvəzinə sarmaşıq Çinarın ayağına dolaşaraq Çicəyin ona aşiq olduğunu, hətta onunla bir yerdə olduğunu dəfələrlə Çinara xatırladır.
Canını sarmaşıqdan qurtarmağa calışan Çiçək dərdini heç kimə deyə bilmir. O, var gücü ilə sarmaşığın əlindən yaxasını qurtarmağa çalışdıqca, sarmaşıq ona daha da sıx dolaşır.
Bir gün yoldan keçən kəndli gözəl Çiçəyi sarmaşıqdan ayırıb onun qol-budağını təmizləyir. Çiçəyin gözəlliyi kəndlini valeh edir. Kəndli onu dərib aparmaq istəyir, lakin fikrindən daşınıb “Sənə necə qıymaq olar axı? Onsuz da ömrün qısadır. Qal burda, yaşa!”- deyib yoluna davam edir.
O gün Çiçək sanki həyata yenidən gəlir. O, əmin idi ki, bir gün Çinar əyilib onun ləçəklərini oxşayacaq, qulağına onu sevdiyini pıçıldayacaq. Ancaq belə olmadı. Qürurlu Çinar sarmaşıqla qolboyun gördüyü Çiçəyə bir daha yaxınlaşmadı...
Qəlbində sevgisini yaşadan Çiçək dünyadan küsmüşdü sanki. O, dəfələrlə Çinara yaxınlaşıb onu sevdiyini söyləmək istəsə də, bunu etmədi...Əvəzində öz gözəlliyinə qəsd edərək günüzlər tamamilə bağlanır, gecələr açılırdı. Onun gözəlliyini indi yalnız Ay və ulduzlar görürdü.
Sevgisinin heç vaxt qarşılıqlı olmayacağını bilə-bilə Çiçək Çinarı sevirdi...
Bir axşam bərk külək əsdi. Yağış , dolu, qasırğa ətrafı yerlə yeksan etdi. Tənha Çiçəyin özü məhv olsa da külək onun toxumlarını düz Çinar ağaçının yanına səpdi. Bir müddətdən sonra Çiçək boy atmağa, yenidən yaşamağa başladı. O, gözlərini açıb ətrafa baxdı və arxasında illərcə həsrəti ilə yaşadığı Çinar ağacını gördü.
Çinar yanındaki başqa bir gözəl ağacın budaqlarını qucaqlayıb durmuşdu. Tənha Çiçək anladı ki, o indi burda, iki sevgilinin arasında olmamalıdır...
O, sevgisini içində boğub gözlərini yumdu və qərara gəldi ki, bu gündən gündüzlər də açacaq və var gücü ilə hər kəsi özünə çəlb edəcək ki, onu burdan kimsə dərib aparsın....Qoy o bu ağrını, bu həsrəti bir daha yaşamasın.
Çiçək son dəfə üzünü Çinara tutub “Səni sevirəm! Sənsiz yaşamaq istəmirəm !” deyib ləçəklərini bağladı. Səhər tezdən üstünə düşən şeh Çiçəyin göz yaşlarına dönüb yerə damçıladı. İllərcə məğrur dayanan qürurlu Cinar birdən əyildi və incəliyi ilə onu məftun edən Çiçəyi görüb budaqlarını ona uzatdı. Sarsılmış, göz yaşlarını içində gizlətməyə çalışan Çiçək bütün varlığı ilə Çinara təslim oldu...
Bax beləcə, sevgi gözəlliyi qoruyub saxlaya bildi. Çünki gözəllik də sevgisini qoruya bilmişdi. Nəticədə təbiətdə möhtəşəm bir görüntü yarandı. Çinar ömrü boyu tənha Çiçəyin əllərini buraxmadı...
Təranə Məmməd şairə, publisist
"Vətənim-Azərbaycandır.az"