SON DƏQİQƏ

Sumqayıt Regional Mədəniyyət İdarəsinə tabeli olan Səməd Vurğun adına Mərkəzi Kitabxananın təşkilatçılığı ilə Sumqayıt şəhər Gənclər və İdman Baş İdarəsi və MİHİ Sumqayıt şəhər Komitəsinin dəstəyi ilə 2022-ci ilin “Şuşa İli” elan edilməsi haqqında Azərbaycan Respublikasi Prezdentinin Sərəncamı ilə əlaqədar “Şuşa İli”nə həsr olunan İstedadlar Müsabiqəsi keçirilib. Tədbirin əvvəlində Azərbaycan Respublikasının Dövlət Himni səsləndirildikdən sonra torpaqlarımızın azadlığı uğrunda canlarını qurban verən vətən övladlarının xatirəsi bir dəqiqəlik sükutla yad edilib. Tədbiri giriş sözü ilə aparıcısi və təşkilatçısı Sumqayıt şəhər MKS-nın direktor müavini Natəvan Axundzadə açaraq vurğulayıb ki, üç mərhələdən ibarət olan müsabiqənin nəticələrinə görə 11 nəfər yekun tura seçilib. Yekun turun nəticələrini qiymətləndirmək üçün dəvət olunan münsiflər heyətinin üzvləri Sumqayıt Dövlət Dram Teatrının aktyoru, Azərbaycan Respublikasının Əməkdar artisti İzaməddin Bağırov, SDDT-nın aktyoru Yalçın Səlimov, Gənclər və İdman Baş İdarəsinin baş məsləhətçisi Həsən Həsənli və MİHİ Sumqayıt şəhər Komitəsinin sədri Şahin Şəfiyef iştirakçılara təqdim olunub. Sonra Gənclər və İdman Baş İdarəsinin sektor müdiri Ceyhun Hüseynov çıxış edərək, gənclərin istedadlarının üzə çıxarılması üçün belə müsabiqələrin keçirilməsini təqdirəlayiq hesab etdiyini vurğulayıb. Daha sonra istedadlarını nümayiş etdirən müsabiqə iştirakçılarının çıxışları dinlənilib və münsiflərin seçiminə əsasən I yerə Mərkəzi kitabxananın Uşaq şöbəsinin oxucusu və 18 nömrəli tam orta məktəbin şagirdi Dəniz İsmayılzadə, II yerə H.Z.Tağıyev qəsəbə kitabxanasının oxucusu və Laçın rayonu F.Cəfərov adına Aşağı Cicimli orta məktəbin şagirdi Zəhra Məmmədzadə və M.Ə.Rəsulzadə adına kitabxananın oxucusu və 5 nömrəli tam orta məktəbin şagirdi Dilbər Məmmədova, III yerə M.Ə.Rəsulzadə adına kitabxananın oxucusu, 15 nömrəli tam orta məktəbin şagirdi Kərəm Arifzadə, Mərkəzi Kitabxananın oxucusu, 3 nömrəli tam orta məktəbin şagirdi Rüfət Cabbarlı və Mərkəzi Uşaq kitabxanasının oxucuları, 1 nömrəli tam orta məktəbin şagirdləri İsmayıl Əsədzadə, Nigar Afilova seçiliblər. Qaliblərə hədiyyələr təqdim edilib.Axundzadə Natavan.
"Vətənim Azərbaycandır.az".