SON DƏQİQƏ

Türkiyə və Ukrayna müdafiə nazirləri Hulusi Akar və Aleksey Reznikov arasında telefon danışığı baş tutub.
“Vətənim-Azərbaycandır.az” xəbər verir ki, bu barədə məlumatı Türkiyənin Milli Müdafiə Nazirliyi yayıb. 

Söhbət zamanı Hulusi Akar Rusiya və Ukrayna arasında tezliklə atəşkəs elan edilməsinin vacibliyini vurğulayıb. 
Bununla yanaşı, nazirlər Ukrayna limanlarında qalan Türkiyə gəmilərinin ölkəyə gətirilməsinin təmin edilməsi barədə fikir mübadiləsi aparıblar. 
Xatırladaq ki, Türkiyənin 22 gəmisi Qara dənizin Ukrayna sahillərində qalıb. Bununla yanaşı, bir müddət əvvəl Türkiyə mediası bir neçə yük gəmisinin Ukraynadakı vəziyyət səbəbindən Azov dənizində qaldığını yazmışdı.