Azərbaycan Respublikasının Qeyri -Hökumət Təşkilatlarına Dövlət Dəstəyi Agentliyinin maliyyə dəstəyi ilə “Azərbaycan Qadınları Respublika Cəmiyyəti “İ.B. “Müharibədən əziyyət çəkən qadınlara sosial -psixoloji dəstəyin göstərilməsi “layihəsi ilə bağlı 11.04.2022 ci il Ağdam rayonu Bənövşələr qəsəbəsi 2 saylı köçkün orta məktəbdə şəhid ailələri,qazilər,aztəminatlı ailələr,müharibədən əziyyət çəkmiş qadınlar,müəllim və şagirdlərlə görüş keçirildi.Məktəbin direktoru Tünzalə Vəliməmmədova hər kəsi salamladı və qonaqları təqdim etdi.Tədbirin mahiyyəti haqda məlumat verildikdən sonra , Agentliyin nümayəndəsi Nigar Ağakişiyeva 44 gün Vətən müharibəsində Şəhidlik zirvəsinə ucalan igidlərə,canlarını,sağlamlıqlarını itirən qazilərə,bu dövr ərzində əziyyət çəkən qadınlara Dövlətin göstərdiyi diqqət və qayğısı barədə ,gələcəkdə işğaldan azad olunan torpaqlarımızda quruculuq işlərinin aparılması,ağıllı kənd,ağıllı qəsəbələrin salınacağı haqda məlumat verdi. Digər problemlərin həll olunacağı barədə Dövlətin,Möhtərəm Prezident İlham Əliyevin sərəmcanlarını tədbir iştirakçılarına çatdırdı.Psixoloq,Təşkilatın sədr müavini Vəfa Abbasova psixoloji testlər aparıb, durumlarında narahatçılıq olan insanlarla təklikdə görüşüb,məsləhətlərini verdi. Sosioloq Sevda Məmmədova kənd əhalisi arasında sorğu keçirib,problemləri,istəkləri,narazılıqları,təşəkkürləri qeyd edərək,ümumi rəy hazırladı. Hüquqşünas Ağamirzə Bağırov tədbir iştirakçılarına hüquqi məsləhətlər verməklə yanaşı,qazilərin hələ də ,ağır döyüşlərdə iştirak etdiklərinə,Prezident tərəfindən müxtəlif medallara layiq görüldüklərinə baxmayaraq, veteranlıq sənədini və ya əlillik dərəcəsini almadıqlarını bildirənlərlə ayrı -ayrı görüşüb,araşdırmalar aparacağı haqda məlumat verdi.Tədbir uşaqların şerləri və səhnəcikləri ilə yekunlaşdı.Hazırlanan xüsusi bukletlər paylandı.Tədbir Videokamera ilə lentə alındı və fotolar çəkildi.Agentliyin nümayəndəsi Nigar Ağakişiyevaya bu tədbirdə iştirak etdiyinə görə təşəkkürlərimizi bildiririk.Ağentliyin rəhbərliyinə və bütün işçilərinə bu şəraiti bizə yaratdıqları üçün minnətdarıq.Tədbirdə İştirak edən Vəfa Abbasovaya,Sevda Məmmədovaya,Ağamirzə Bağırova ,Məktəbin direktoru Tünzalə Vəliməmmədovaya və bütün kollektivə təşəkkür edirik.Şəhid ailələrinə öz vəsaitləri hesabına orucluq ayında göndərdikləri iftar paylarına görə Hacı xanıma və təşkilatın xanımlarına təşəkkür edirik.Sovqatlar şəhid evlərini ziyarət edərkən paylandı.Ailələrin ürək sözləri ,Dövlətə və Dövlət rəhbərlərinə təşəkkürləri və xahişləri dinlənildi.Suallar cavablandırıldı.Hamısıah bütün Şəhidlərimizə rəhmət eləsin. “AQRC”İ.B.sədri Bahar Qasımova