SON DƏQİQƏ

Yenilənən və hər gün inkişafında daha böyük inqilab edən Azərbaycanımızın daha bir böyükmiqyaslı uğurlu layihələrindən biri də ölkəmizin energetika sahəsində əlamətdar tarix olan Qaradağ Günəş Elektrik Stansiyasının təməlqoyma mərasimidir.
Ötən gün təməli qoyulmuş "Qaradağ" Günəş Elektrik Stansiyasının (GES) inşasının 12-18 ay ərzində tamamlanması nəzərdə tutulur.
 230 meqavat gücündə olan bu stansiya ölkəmizin enerjiyə artan tələbatını ödəyəcək və Azərbaycanın ixrac imkanlarını genişləndirəcək.   Bu layihə bir daha onu göstərir ki, Azərbaycan xarici sərmayə üçün çox cəlbedici ölkədir, açıq ölkə olduğu bütün cahana məlumdur. Azərbaycanda çox gözəl investisiya iqlimi var. Azərbaycan xarici tərəfdaşlar qarşısında üzərinə düşən bütün öhdəliklərini yerinə yetirir. Xarici sərmayənin Azərbaycana böyük həcmdə qeyri-neft sektoruna qoyulması əsas prioritetlərimizdən biridir. Uzun illər neft-qaz sahəsinə 10 milyardlarla dollar sərmayə qoyulubdur. Bu, imkan verdi ki, enerji sahəsində istədiyimizə nail olaq. Və heç kəsə qaranlığ deyil  ki, bu layihə olduğca böyük uğurla nəticələnəcək və səs-sədası böyük arenalardan eşidiləcək.

“Mən çox şadam ki, bu böyük layihənin icraçısı dünyada tanınmış və bu sahədə böyük təcrübəsi olan “Masdar” şirkətidir. Qeyd etdiyim kimi, “Masdar” şirkətinin bu sahədə çox böyük təcrübəsi var, bir çox ölkələrdə uzun illər uğurla fəaliyyət göstərir. Əlbəttə ki, bu şirkətin Azərbaycana sərmayə qoyması çox təqdiredici bir haldır. Bu, bir daha onu göstərir ki, Azərbaycan xarici sərmayə üçün çox cəlbedici ölkədir, açıq ölkədir. Azərbaycanda çox gözəl investisiya iqlimi vardır və eyni zamanda, Azərbaycan xarici tərəfdaşlar qarşısında üzərinə düşən bütün öhdəliklərini yerinə yetirir”, - bu fikirləri ölkə başçımız, Cənab İlham Əliyev qeyd etdi.
Qısa müddət ərzində görülmüş işlər Azərbaycanın iqtisadi potensialından xəbər verir. Keçən il 4 su elektrik stansiyası bərpa olunub. Onların ümumi generasiya gücü 20 meqavatdır. Cari il isə 5 su elektrik stansiyasının yenidən qurulması planlaşdırılır və bu stansiyaların generasiya gücü 27 meqavat olacaqdır. Bu stansiyaların ancaq Kəlbəcər və Laçın rayonlarında sayı 30-dan çox olacaqdır və bu, su elektrik stansiyalarıdır. Günəş və külək elektrik stansiyalarının yaradılması üçün daha böyük potensial var. Bütün infrastruktur yaradılıb, daxili xətlər müasirləşdirilib, bir çox yarımstansiyalar inşa olunub, o cümlədən azad edilmiş torpaqlarda cəmi bir il ərzində 7 yarımstansiya yaradılıbdır. Və ən sevindiricisi isə odur ki bu sıralama günü-gündən uzanır.
Bu gün ölkənin inkişaf dinamikasında görülən hər bir iş, atılan hər bir addım,  reallaşan hər bir layihə  damarında azərbaycanlı qanı axan hər kəsə bir motivasiyadır. Bu gün həqiqətən də hər bir vətəndaşımızda  yaratmaq, qurmaq, hansısa bir töhfə də məndən gəlsin tendensiyası vardır. Uğura gedən uzun və şərəfli yol budur.
Nəhayət Şirinova
"Vətənim-Azərbaycandır.az" xəbər portalının şimal zonası üzrə  rəhbəri