SON DƏQİQƏ

“Dağıstan turunun “Qırmızı kitab”a düşmə ehtimalı var”.

“Vətənim-Azərbaycandır.az” xəbər verir ki, bu barədə Bioloji Müxtəlifliyin Qorunması Xidmətinin rəisi Firuddin Əliyev bildirib.
O qeyd edib ki, son iki ov mövsümündə həmin növün ovlanmasına qadağa qoyulub: “Hazırda Dağıstan turları sayılır. Bu prosesdə rusiyalı mütəxəssislərin də köməyindən istifadə olunur. Böyük ehtimal ki, həmin növlərin sayında azalma müşahidə olunur. Yekun nəticələr barədə yaxın zamanda ictimaiyyətə geniş məlumat veriləcək”.
F.Əliyev əlavə edib ki, bu sayın azalması bizdə ovlanmaları ilə bağlı deyil. Həmin heyvanlar şimala axın edirlər. Orada isə bu heyvanların ovlanması ilə bağlı bizdəki qədər sərt nəzarət yoxdur. Bu məqam da heyvanların sayının azalmasına təsir edən amildir.