SON DƏQİQƏ

Müşfiqin sənətinin səsindən,
Cavidin od yağan nəğməsindən,
Cavadın eşqi,Şükriyəsindən,
Oxu,tar,oxu tar, 

Türklüyün sönməyən məşələsindən,
Xilas olunması dar qəfəsindən,
Vuran ürəyinin təranəsindən
Oxu tar,oxu tar.. 

Qisas qiyamətə qalmaz,qalmadı.
Həqiqət Günəşdir,heç qaralmadı!
Yolundan dönməzlər unudulmadı,
Oxu,tar,oxu,tar... 

Ey sənət eşqimin,yaralı simi
Qır,qopard,məhv elə xain tilsimi,
Dağıt başındakı dumanı,sisi,
Oxu,tar,oxu,tar 

Oxu,tar,oxu tar...
Gurlasın nəğmənin səsi dərədə,dağda..
Oynasın yerindən günəş qübarda..
Zəfərin cəngisi,qoy Qarabağda
Bu gün də səninlə ərşə dayansın,
Şeirin,sənətin nura boyansın....

Repressiyanın 29 yaşlı Günəşi Mikayıl Müşviqin əziz xatirəsinə...

                           ÇİNARƏ SEYRAN
Vətənim-Azərbaycandır.az