SON DƏQİQƏ

Varis olub vərəsə olmayan Şəhid övladı.
Şəhid ailəsi üzvləri kimlərdir?
Gənc politoloq Nahid Aslansoy.
 “Şəhid adının əbədiləşdirilməsi və şəhid ailələrinə edilən güzəştlər haqqında” Azərbaycan Respublikasının Qanununun 1-ci maddəsinə əsasən şəhid Azərbaycan Respublikasının azadlığı, suverenliyi və ərazi bütövlüyü uğrunda həlak olan, hərbi əməliyyatla əlaqədar itkin düşən və qanunvericiliklə müəyyənləşdirilmiş qaydada ölmüş hesab edilən şəxsdir.
Qüvvədə olan qanunvericiliyə müvafiq surətdə aşağıdakı şəxslər şəhid ailəsinin üzvləri hesab edilir:
- həyat yoldaşı;
- valideynləri;
- 18 yaşına çatanadək (əyani təhsil aldığı halda 23 yaşınadək) uşaqları;
- 18 yaşına çatanadək əlilliyi müəyyən olunmuş 18 yaşından yuxarı əlilliyi olan övladları;
-18 yaşına çatanadək (əyani təhsil aldığı halda 23 yaşınadək) uşaq evlərində tərbiyə olunan qardaş və bacıları;
- qanunla onları saxlayan şəxs olmadıqda baba və nənələr.
Düşünürəm ki, bu mövzu milli məclisdə yenidən müzakirə olunmalıdır. Yəni 18 və ya 23 yaşından sonra şəhid övladı yaş həddi artığı üçün övladlıqdan çıxır? əksinə 18 və 23 yaşından sonra insanın cəmiyyətdə şəxsiyyət kimi formalaşan vaxtıdır. Daha çox diqqət və qayğıya ehtiyac duyduğu bir vaxdır. Dövlətin bu mərhələdə diqqət və qayğısı daha üstün olmalıdır. Ehtiyacların artdığı və insana dəstək lazım olduğu bir yaş həddində artıq ststusdan kənarda qalırsan. Mən bir şəhid övladı olaraq cənab prezidentdən və milli məclis deputatlarından xahiş edirəm bu mövzu ilə bağlı qanunlarda dəyişiklik edilməsi ilə bağlı məsələni gündəliyə salsınlar.
Gənc politoloq Nahid Aslansoy şəhid övladlarına yaş məhtudiyyəti qoyulmadan vərəsəlik hüququ verilməsini, aidiyyəti qurumların bu məsələnin həllinə yönəlik iş aparmasını təklif etdi.


VETENİM-AZERBAYCANDIR.AZ