Vetenim-Azerbaycandir.Az

SON DƏQİQƏ

Mədəniyyət İşçiləri Həmkarlar İttifaqı Respublika Komitəsi Rəyasət Heyətinin növbəti səyyar iclası Sumqayıtda keçirilib

Mədəniyyət İşçiləri Həmkarlar İttifaqı Respublika Komitəsi Rəyasət Heyətinin növbəti səyyar iclası Sumqayıtda keçirilib
23-06-2022, 12:43 65 dəfə baxılıb

Mədəniyyət İşçiləri Həmkarlar İttifaqı (MİHİ) Respublika Komitəsinin Rəyasət Heyətinin Sumqayıt şəhərində keçirilən növbəti səyyar iclası Komitənin Regional Metodiki Mərkəzləri tərəfindən görülən işlərə həsr olunub. Tədbirdə Azərbaycan Həmkarlar İttifaqları Konfederasiyasının sədr müavini Cavanşir Alxasov, MİHİ Respublika Komitəsinin sədri Cəmilə Səttarova, Sumqayıt Regional Mədəniyyət İdarəsinin rəisi Rəşad Əliyev, Sumqayıt Şəhər İcra Hakimiyyətinin şöbə müdiri Fərman Kazımov, MİHİ Respublika Komitəsinin Rəyasət Heyətinin üzvləri, Respublika Komitəsinin Regional Ərazi Metodiki Mərkəzlərinin məsul şəxsləri iştirak ediblər.

"Vətənim-Azərbaycandır.az" AZƏRTAC istinadən tədbir Sumqayıt şəhərinin mərkəzində ucaldılan ümummilli lider Heydər Əliyevin abidəsinin ziyarəti ilə başlayıb. Abidənin önünə tər çiçəklər düzülüb, Ulu Öndərin xatirəsi ehtiramla yad olunub.
Qonaqlar sonra Sumqayıt şəhərində fəaliyyət göstərən Heydər Əliyev Mərkəzi ilə tanış olublar.
Sumqayıt şəhər “Şəhidlər xiyabanı” memorial kompleksində “Qalib əsgər” heykəlinin önünə əklil qoyulub, Vətən uğrunda canından keçən şəhidlərin xatirəsi anılıb.
Sumqayıt Dövlət Dram Teatrının konfrans zalında keçirilən iclasda müzakirələrdən sonra MİHİ Sumqayıt şəhəri Komitəsinin ittifaq üzvlərindən olan şəhid analarına təşəkkürnamə təqdim edilib, maddi dəstək göstərilib. MİHİ Sumqayıt şəhər Komitəsinin ittifaq üzvlərinin yubilyarları fəxri fərman və pul mükafatı ilə təltif olunublar. Respublika Komitəsi tərəfindən texniki dəstək məqsədilə Qubadlı rayon komitəsinə noutbuk hədiyyə verilib.
Tədbirin rəsmi hissəsindən sonra teatrın tamaşa zalında Sumqayıt Regional Mədəniyyət İdarəsinin təşkil etdiyi konsert təqdim olunub. Konsertdə Abşeron rayon Xırdalan şəhər 11 illik musiqi məktəbinin şagirdləri çıxış ediblər. Konsert proqramını MİHİ Abşeron rayon komitəsinin sədri, Əməkdar müəllim İkram Manafovun dirijorluğu ilə məktəbin xalq çalğı alətləri orkestri müşayiət edib.

ŞƏRH YAZ

OXŞAR XƏBƏRLƏR<

XƏBƏR LENTİ

BÜTÜN XƏBƏRLƏR

SağlamlıqHAMISI

MədəniyyətHAMISI

SosialHAMISI

TexnologiyaHAMISI