SON DƏQİQƏ

Elimizin, obamızın çox dəyərli qızı, gözəl insan, kübarlığı ilə hər zaman seçilən Sahibə Abdullayeva 1957-ci ildə İsmayıllı rayonu Lahıc qəsəbəsi BağƏli kəndində anadan olmuşdur. Orta məktəbi Lahıc qəsəbəsində başa vurmuşdur. Sənətə, xanəndəliyə olan marağı Sahibə xanımı "Şirinsəslər" "Zəhmətkeşlər" qəzetinə seçimlərə gətirir. O, zamanlar bura müraciət edənlər əsasən oğlanlar idi, qızlar o qədərdə müraciət etmirdi. Cəsarətli addımları ilə seçilən Sahibə xanımın növbəti addımı teatr səhnəsi olur, Cəfər Cabbarlının "Solğun çiçəklər" tamaşasına "Sara"roluna dəvət alır. Adil İskəndərovdan xeyir dua alan Sahibə xanımın bu rolundan sonra həmən teatr" Xalq teatrı"statusu alır. Bəli uğurlu addımları ilə Sahibə xanım artıq el şənliklərinə böyük miqyaslı tədbirlərə yol alır, və xalq kütləsi tərəfindən böyük hörmət və sevgi qazanır. Möcüzəli səsi onu insanlara sevdirməyə bacarır. O, zamanların nadır səslərindən olan Sahibə xanımı, lütfiyar İmanov, Rəşid Behbudov kimi korifeylərimiz çox çalışdılar ki, paytaxt Bakı şəhərinə gətirsin və daha böyük səhnələrə doğru aparsınlar. Lakin doğma İsmayıllıya olan bağlılığı bu cəhdlərin qarşısını almış oldu. Dəyərli sənətkarımız dəfələrlə ölkə xaricində böyük arenalarda ölkəmizi təmsil edib, onun ifası zamanı dəfələrlə möhtəşəm Azərbaycan Bayrağını dalğalandırmağı bacarıb və böyük coşqu ilə qarşılanıb.