SON DƏQİQƏ

Ömrünü, gününü, həyat yolunu qələmə, yazıya, kitaba həsr edən insanlar həqiqətən xoşbəxt və ilahi sevgiyə bürünərək ömr edən insanlardır. Çünki onların istedadları sonradan qazanılan deyil, ilahi tərəfindən bəxş olunan vergidir, mükafatdır.
Bu gün məhz belə insanlardan biri haqqında və onun qələminin məhsulu olan əsərlərindən  bəhs  edəcəm sizə. 
 Sabir Şahtahtı:-  dünyamıza 1968-ci ildə Azərbaycanın şah damarı olan Naxçıvanda göz açmışdır. Hələ tələbəlik illərindən yazmağa başlayan dəyərli yazarımız müxtəlif səpkidə əsərləri ilə hər kəsin hörmət və rəğbətini qazanmışdır. 20 kitab və çox sayda  məqalələri və yazıları işıq üzü görmüşdür.  Yazarın əsərləri  Rusiya, Gürcüstan,  Ukrayna,  İranda, farsca, rusca və ingiliscə tərcümə edilərək oxucuların ixtiyarına verilmişdir.
 Dəyərli yazarımız 2010-cu ildə  ölkə başçımız  tərəfindən "Tərəqqi" medalı ilə təltif olunmuşdur.
Bundan başqa çox sayda mükafatların lauruatıdır.  Bu gün haqqında bəhs etdiyim "Nisgil" əsəri siyasi mövzuda yazılan əsərlərindən biridir. Hələ XX əsrin əvvəllərindən başlayaraq tez illik böyük problemlər yaşyan Azərbaycan xalqının faciələrindən bəhs edir bu əsər. Hadisələr əsasən yüksək əxlaqi dəyərlərə, tərbiyəyə sahib olan iki gəncin əzablı həyat yolunu ön plana çəkərək oxucuya çatdırır.  Yazar ədəbi ustalığla dünyada meydana gələn hadisələrin ölkəmizə təsirini  və bu yolda yaşanan sıxıntı və acıları bariz şəkildə oxucuya vəsf edir. 
Əvvəllər xəbərsiz idim bütün bu dəyərli əsərlərdən. Həmkarım hörmətli Sərxan Cəfərovun sayəsində tanıdım və oxuma şansı əldə etdim. Və gənc yazar kimi mənə də çox marağlı gəldi. 
Və bu üzdən də çox böyük həvəslə bu sözləri yazdım.
 Hörmətli yazar qardaşım sizə bu yolda bol-bol uğurlar arzu edirəm. Davamlı olsun inşallah.
Azərbaycan tarixi bizim üçün ən vacib öyrənilməli və təbliğ olunmalı  amillərdən biridir və siz bu yolda, səfərbərsiniz.Tanrı sizi qorusun  Sabir müəllim.


Nəhayət Şirinova 
İctimaiyyətçi, yazar.
"Vətənim-Azərbaycandır.az" xəbər portalının şimal zona rəhbəri.