SON DƏQİQƏ

Bakıda birgə intihar edən qızlarla bağlı detallar məlum olub. 
“Vetenim-Azerbaycandir.az”ın əldə etdiyi məlumata görə, onlar sinif yoldaşı olublar. 
Belə ki, 2005-ci il təvəllüdlü Quliyeva Mətanət Elşən qızı və 2004-cü il təvəllüdlü Səmədova Əfruz Rafiq qızı eyni sinifdə oxuyublar. Onlar Abşeron rayonu, Qobu qəsəbəsində yaşayıblar və həmin qəsəbənin məktəbində təhsil alıblar. 
M.Quliyevanın nənəsi Lökbatan qəsəbəsində yaşayır. Lakin onların intihar etdikləri binada heç bir yaxınları yoxdur. 
Sinif yoldaşı olan qızların intihar səbəbi və niyə məhz həmin binanı seçmələrinin səbəbi məlum deyil. 
İlkin məlumata görə, hadisə yerindən qızlardan birinin məktəb dəftəri aşkarlanıb. Onun dəftərdəki qeydlərindən depressiyada olduğu müəyyən olunub. 
Faktla bağlı araşdırma aparılır. 
17:49
Bakıda intihar edən iki yeniyetmə qızın kimliyi məlum olub. 
Oxu.Az-ın hüquq-mühafizə orqanlarından əldə etdiyi məlumata görə, intihar edənlər Quliyeva Mətanət Elşən qızı və Səmədova Əfruz Rafiq qızıdır. 
Qeyd edilib ki, hər ikisi 2004-cü il təvəllüdlüdür və Qobu qeydiyyatındadır.
17:21
Bakıda iki yeniyetmə qız intihar edib. 
Bu barədə Oxu.Az-a hüquq-mühafizə orqanlarından məlumat verilib.
Hadisə paytaxtın Qaradağ rayonu, Lökbatan qəsəbəsindəki doqquzmərtəbəli binada baş verib.
İki yeniyetmə qız doqquzmərtəbəli binanın damına çıxaraq eyni anda özlərini ataraq intihar ediblər. 
İlkin məlumata görə, qızların biri 2004-cü digəri isə 2005-ci il təvəllüdlüdür. Onların kimliyi hələ müəyyən olunmayıb.
Hazırda hüquq-mühafizə orqanları tərəfindən əraziyə baxış keçirilir. Qızların hansı səbəbdən intihar etdiyi məlum deyil.