SON DƏQİQƏ

“Taliban” qadınlar da daxil olmaqla Kabil hava limanının işçilərinin işə qayıtmasını istəyib.
“Qafqazinfo” xəbər verir ki, bu barədə “Tolo News” məlumat yayıb.
“Biz xoşbəxtik ki, işə qayıtmağımızı istədilər. Hökumətin bundan sonra da maaşlarımızı ödəməsini istəyirik”, - deyə hava limanının əməkdaşı Zəhra Əmiri açıqlama verib.
Lida adlı işçi isə taliblərin hakimiyyətə gəlişindən sonra işi dayandırmaq məcburiyyətində qaldıqlarını bildirib: “Biz indi pulsuz işləyirik”.
Telekanalın məlumatına görə, sərhəd polis əməkdaşları işə qayıtsalar da, müsahibə verməkdən imtina ediblər.
Qeyd edək ki, taliblərin gəlişinə qədər Kabil hava limanında 100-dək qadın işləyib.