14:12 - Prezident: "Bu amillər bir yerdə olanda, heç bir qüvvə o xalqın qabağında dura bilməz"
14:11 - Növbəti üç ildə Qarabağ Universitetinin yeni tədris korpusları inşa ediləcək
14:08 - Azərbaycan Prezidenti: Qarabağ Universitetinin yaradılması tarixi hadisədir
14:02 - Azərbaycan və BƏƏ COP29-la əlaqədar mülki aviasiya sahəsində qarşılıqlı əməkdaşlığı genişləndirir
13:56 - Bu gün Xankəndi, Xocalı, Xocavənd və Ağdərə şəhərləri günüdür
13:47 - Azərbaycanda Dövlət Suverenliyi Günüdür
00:20 - Şuşada Bayraq Meydanının açılışı olub
00:12 - Prezident İlham Əliyev Xankəndi Dövlət Dram Teatrının binasında görüləcək işlərlə tanış olub
00:10 - Mehriban Əliyeva bərpadan sonra Üzeyir Hacıbəylinin ev-muzeyindən paylaşım edib
00:07 - İlham Əliyev Ağdam-Əsgəran-Xocalı-Xankəndi avtomobil yolunda aparılan işlərlə tanış olub
00:02 - Ağdam şəhərində "İmarət" stadionunun təməli qoyulub
23:53 - Azərbaycan və İtaliyanın Baş Qərargah rəisləri görüşüb
“Sərhəddə gərginlik Ermənistan üçün təhlükəli strategiyadır”
ABŞ-ın “The National Interest” jurnalında Baltimor Universitetinin İctimai və Beynəlxalq Münasibətlər Məktəbinin icraçı direktoru İvan Saşa Şixanın Ermənistan rəhbərliyi və 2020-ci ilin payızında darmadağın olan erməni silahlı birləşmələri tərəfindən davam etdirilən təxribat xarakterli hərəkətlər barədə “Sərhəddə gərginlik Ermənistan üçün təhlükəli strategiyadır” sərlövhəli məqaləsi dərc olunub.
“Qafqazinfo” xəbər verir ki, məqalədə Ermənistanla Azərbaycan arasında 44 günlük müharibəyə son qoyan atəşkəs barədə Birgə Bəyanatın imzalanmasından cəmi səkkiz ay sonra iki qonşu dövlətlər arasında münasibətlərdə gərginliyin yenidən artdığı bildirilib.
Qeyd olunub ki, dövlət sərhədində atəş səsləri davam edir.
Müəllif qeyd edir ki, ötən ilin iyulunda Ermənistanın təxribatçı əməlləri dövlət sərhədində silahlı toqquşmalara gətirib çıxardı. Nəticədə qısa müddət sonra genişmiqyaslı müharibə başladı.
Məhz buna görə mövcud gərginliyi azaltmaq üçün yalnız sülhə mənasız çağırışlar etmək kifayət deyil, bu, dünya liderləri tərəfindən təcili diqqət tələb edir.
Ekspert yazır ki, regional gərginliyin azaldılmasının yeganə yolu Ermənistanla Azərbaycan arasında sərhədlərin müəyyənləşdirilməsidir.
Ermənistanla Azərbaycan arasında artan qarşıdurma demarkasiyanın Qafqaz bölgəsi üçün niyə bu qədər mühüm olduğunu göstərir.
Müəllif vurğulayır ki, Ermənistan 30 il ərzində işğal altında saxladığı Qarabağın azad edilməsi ilə barışmalı olacaq. Bu, baş nazir Nikol Paşinyanın hərəkətlərindən asılıdır. Paşinyan sələflərindən daha az millətçi olsa da, liberal deyil.
Paşinyan müharibənin yenidən başlanmasının Ermənistan üçün dağıdıcı olacağının fərqindədir. Çünki Azərbaycan ötənilki müharibədə öz hərbi gücünü qətiyyətlə nümayiş etdirdi.
Beynəlxalq səviyyədə tanınmış sərhəd boyunca davam edən təxribatların böyük gərginliyə səbəb olduğunu bildirən müəllif diqqətə çatdırır ki, bu, Paşinyana Qarabağ məsələsini gündəmdə saxlamağa, erməni xalqını öz ətrafında toplayaraq ölkə ictimaiyyətinin diqqətini daxili problemlərdən yayındırmağa kömək edir.
Paşinyan bilir ki, qış yaxınlaşdıqca Ermənistanda COVID-19-un yayılmasının və münaqişənin səbəb olduğu iqtisadi problemlər daha çox nəzərə çarpacaq. Buna görə də N.Paşinyan diqqəti yayındırmağa çalışır.
Müəllif hesab edir ki, indi fürsətdən istifadə edərək Azərbaycanla sülhü bərqərar etmək vaxtıdır. Ermənistan Azərbaycanla münasibətləri normallaşdırmaq və sərhədlərin demarkasiyası siyasətini yürütsə, bu, onun üçün faydalı olacaq.