SON DƏQİQƏ

Əhalinin yüzdə 60-a yaxınının peyvənd olunduğu İsraildə səhiyyə rəsmiləri, ölkədə Covid-19 hadisələrinin yenidən artması ilə əlaqədar olaraq "yeni dalğa" riski barədə xəbərdarlıq ediblər.


Xeber24.info İsrail mediasına istinadla xəbər verir ki, İsrail Baş naziri Naftali Bennett, hadisələrdə bir az artımın Delta variantından qaynaqlandığını vurğulayaraq, gündəlik yoluxmanın sayının artmasını "epidemiyada yeni dalğa" olaraq qəbul etdiklərini açıqlayıb.Delta variantının ölkəyə xaricdən İsrail sərnişinləri tərəfindən gətirildiyini söyləyən Bennett, bütün sərnişinlərin Covid-19 üçün test ediləcəyini söyləyib və məcburi olmadığı təqdirdə israillilərdən xaricə getməmələrini istəyib.
İsraildə əhalinin yüzdə 57-nə iki dozada Covid-19 peyvəndi vurulub.

Peyvənd sayəsində epidemiyanı idarə etməyi bacaran və Covid-19 tədbirlərinin fevral ayından bəri rahatlandığı İsraildə, bəzi istisnalar olmaqla, 19 apreldə açıq ərazilərdə və 15 iyunda qapalı yerlərdə maska taxmaq məcburiyyəti ləğv edilib.
Səhiyyə Nazirliyinin məlumatlarına görə, İsraildə yeni görülən virusun yüzdə 70-i Hindistanda ilk dəfə təsbit edilən Delta variantından qaynaqlanır.
Ölkədə 6 iyunda 216-ya düşən aktiv xəstələrin sayı, son günlərdə artımla 387-ə yüksəlib.