SON DƏQİQƏ

VETENİM-AZERBAYCANDIR.AZ

DÜŞÜNCƏLƏR

Yenə uşaq olaydım,düşünürəm gecələr.
Yarıyuxu gözlərlə boylanaydım yataqdan.
Yan otaqda uyuyan atama boylanaydım ,
Yorğunluqdan inləyən anama boylanaydım.
Yenə uşaq olaydım düşünürəm səhərlər...
Yarıyuxu gözlərlə boylanıram eyvana.
Görəydim eyvan altda oturaraq çay içir,
Ömür yoluna nəzər salan atam ah çəkir.
O da boylanıb baxır ömürdən itənlərə,
Gizlin gizlin ah çəkir ömürdən bitənlərə.
Dalıb min bir xəyala düşünürəm çox zaman,
Niyə vəfa etmədi ömür vermədi aman?!
Neçə arzusu qaldı bilirəm ki anamın,
Bizi hər an düşünən,bizi hər an ananın.
Nəvə toyu çaldırıb oynayaydı həyətdə,
İndi çox kədərliyəm anam da yox həyatda.
Bilirəm ki, haçansa ömrüm bitəcək səssiz,
Bəlkə də, yazdıqlarım yetim qalacaq mənsiz.
Nə oxuyan olacaq saralmış vərəqləri,
Nə sulayan olacaq əkdiyim çiçəkləri.
Həyat necə də fani,gəldinsə getməlisən,
Zamanın yollarında zamansız itməlisən.
Bəlkə də illər sonra bir övladın səssizcə,
VəBoylanıb hey baxacaq sən uyuyan otağa.
Səndən sonra boş qalan o buzlaşmıs yatağa...

02.07.2023
soz: Ülviyyə Məhəmməd