Vetenim-Azerbaycandir.Az

SON DƏQİQƏ

Arzularımızın şəhəri Sumqayıt.

Arzularımızın şəhəri Sumqayıt.
22-11-2022, 16:26 392 dəfə baxılıb

                                                                                                        



 
                                                              Sumqayıt, əzizim, gözlərin aydın,
                                                              Sənin hər addımın böyük hünərdi.
                                                              Deyirəm, bəlkə də sən olmasaydın,
                                                              Yer üzü nə qədər boş görünərdi...
 
73 illik  çox qısa bir zaman kəsiyində Xəzərin sahilində elə böyük bir sənaye mərkəzi, gözəlliklər şəhəri salınıb ki, bir sumqayıtlı olaraq  fəxr etməmək mümkün deyil.  
 “Sumqayıtın çox gözəl gələcəyi var”, “Sumqayıt  Azərbaycanın birlik və həmrəylik şəhəridir”,   ”Sumqayıt istedadlı, savadlı, gənc oğlanlar və qızlar şəhəridir“ deyən ümummilli lider Heydər Əliyevin müstəsna xidmətləri olub Sumqayıta, sumqayıtlılara hər zaman böyük rəğbətlə yanaşıb. 
Möcüzə yaradıb insanın əli,
Arzular, əməllər necə uludur.
Hər bina birinin daşdan heykəli,
Hər küçə birinin ömür yoludur.
Sumqayıt zəhmətsevər insanlar şəhəridir. Bu şəhəri tikən, quran, onu dünya şöhrətli bir ünvana çevirən əlbəttə ki, fədakar  əmək adamlarıdır. Sumqayıtın dünəni, bu günü, sabahı da onların ömür salnaməsidir.
Sumqayıt gənc mütəxəsislər, alimlər, ziyalılar məskənidir. Hər sahədə irəlidə olan şəhərimiz   ziyalılıq səviyyəsinə və savad dərəcəsinə görə də öncül mövqedədir. Biz sumqayıtlı olaraq bu şəhərin  alimləri və ziyalıları ilə  hər zaman fəxr edirik. 
Bu əlamətdar günlə bağlı olaraq S.Vurğun adına Mərkəzi Kitabxanada  Sumqayıt şəhərinin 73 illiyi münasibətilə Sumqayıtın dünənini quran bir qrup ziyalılarımızla  və bu günü, sabahı quracaq gənclərimizin “Sumqayıt: Arzuların şəhəri” adlı  görüşü keçirilib. Mədəniyyətimizin  yaddaş  səlnaməsində Sumqayıtın adı ilə bağlı neçə əfsanə və rəvayətlər, ehtimallar  mövcuddur. Kitabxanada keçirilən bu tədbirdə belə əfsanələrdən biri səsləndirilib. 
Sumqayıt haqqında səsləndirilmiş əfsanə ilə başlanan tədbiri kitabxananın əməkdaşları və aparıcıları  Sevda Məhəmmədova və Təranə Tapdıq qızı açaraq, qonaqları təqdim edib, onların şəhərimizin ictimai həyatında əvəzsiz xidmətlərini qeyd ediblər. Təqdim olunan qonaqlar arasında Sumqayıt şəhər Veteranlar Təşkilatının sədri Sovet Şükürov, üzvləri: Şıxbaba Rzayev, İsaq Vəliyev, Gülnaz Səfərova, Azərbaycan Yazıçılar Birliyinin üzvü, əməkdar jurnalist Eyruz Məmmədov, Prezident təqaüdçüsü, Azərbaycan Yazıçılar Birliyinin, Türk Ədəbiyyatı Vakfının fəxri üzvi şair İbrahim İlyaslı və Xidmət sahələri üzrə Sumqayıt Peşə Təhsili Mərkəzi, 5 nömrəli tam orta məktəbin müəllim, şagird kollektivi və tələbələr iştirak edib. 
Veteranlar Təşkilatının sədri Sovet Şükürov şəhərimizin gələcəyi olan gənclərə əzmlə çalışmalı, yaxşı oxumalı, nizam-intizamlı olmalı, şəhərin gözəlliyini qorumalı, sumqayıtlı adını yüksək tutmalıdır kimi tövsiyyələr edib. Eyruz Məmmədov  Sumqayıtın tarıxındən, şair İbrahim İlyaslı isə ədəbiyyat aləmindən bəhs edərək, şəhərimizə həsr etdiyi şeiri səsləndirib. Sumqayıtın tarixi, keçdiyi inkişaf yolu, bu günü haqqında qonaqların söylədikləri faktlar iştirakçılar tərəfindən maraqla dinlənilib. Sonra oxucuların ifasında doğma şəhərimizə həsr olunan şeirlər təqdim olunub. Daha sonra Sumqayıt Mərkəzləşdirilmiş Kitabxana Sisteminin direktor vəzivəsini m.i.e. Natəvan Axundzadə kitabxananın tarıxi, şəhərimizin həyatında kitabxanaların və kitabxanaçı əməyinin  də danılmaz olduğunu qeyd edib, son olaraq qonaqlara və iştirakçılara öz təşəkkürünü bildirib. 


Sumqayıt şəhər Mərkəzləşdirilmiş Kitabxana Sisteminin
direktor vəzifəsini icra edən Natəvan Axundzadə


 
VETENİM-AZƏRBAYCANDIR.AZ
 

ŞƏRH YAZ

OXŞAR XƏBƏRLƏR<

XƏBƏR LENTİ

BÜTÜN XƏBƏRLƏR

SağlamlıqHAMISI

MədəniyyətHAMISI

SosialHAMISI

TexnologiyaHAMISI