SON DƏQİQƏ

18 Oktyabr 20.21ci il dövlət müstəqilliyimizin 30cü ildönümündə Şəhid ƏLİYEV  VALEH XANLAR oğlunun xatirə lövhəsinin açılışı oldu.
1994cü ildə birinci vətən müharibəsi zamanı Fizuli rayonu uğrunda gedən döyüşlərdə qəhrəmanlıqla Şəhid olmuş Əliyev Valehin  Bakı şəhər H.Seyidzadə küçəsi 1ünvanındakı binada xatirə lövhəsinin rəsmi açılış tədbiri  keçirilmişdir. Tədbiri giriş sözü ilə "Dünya Azərbaycanlılarının Həmrəyliyinə Dəsdək ictimai birliyinin prezidenti Tofiq Əli-zadə bildirdi ki, Əliyev Valeh Xanlar oğlu 1994cü ildə  Qarabağın Fizuli bölgəsində gedən qanlı döyüşlərdə qəhrəmanlıqla Şəhid olmuşdur. Hələ 1998ci ildə Şəhidin xatirəsini əbədiləşdimək üçün "Dünya Azərbaycanlılarının Həmrəyliyinə Dəsdək" ictimai birliyi tərəfindən hazırlanmış lövhə Şəhidin yaşadığı binanın yan tərəfinə vurulmuşdur. Amma bu yaxın günlərdə  Bakı şəhəri və Nəsimi rayon icra hakimiyyətləri  tərəfindən binada aparılan abadlıq işləri ilə yanaşı Şəhidimizin xatirə lövhəsi yenidən hazırlanmışdır. Daha sonra Tofiq Əli-zadə və Azərbaycan Respublikası Vətən müharibəsi Veteranları içtimai birliyinin sədri Fizuli Rzaquliyev xatirə lövhəsinin açılışını etdilər. Tofiq Əli-zadə dedi ki, xatirə lövhəsinin açılış mərasimi həm də Müzəffər ordumuzun Qarabağ torpaqlarının erməni işğalından tamamilə azad edilməsinin ildönümünə və eyni zaman da Dövlət müstəqilliyimizin bərpasının 30cü il dönümünə təsadüf edir. Tofiq Əli-zadə dedi ki, "28ildən sonra baş verən 44günlük müharibə nəticəsində  başda Ali Baş Komandanımız olan İlham Əliyev  olmaqla Azərbaycanın müzəffər ordusu erməni işğalina elə bir dəmir yumruqlu zərbələr endirdilər ki, nəticədə erməni orduları tamamilə darmadağın olundu. Bu da bizim tam demək olar ki, 28 ildən sonra düşmən üzərində tam Qələbəmiz idi. Daha sonra Tofiq Əli-zadə sözü iki Şəhid Anası olan Dürnisə Əliyevaya verdi. Şəhid Anası əvvəlcə gələn qonaqları salamlayaraq bildirdi ki, 
Şəhidlərimiz ölməzdir, daima yaşayacaqdılar.
Onlar xalqımızın bu günkü xoş və firavan günlərimiz üçün Şəhid olmuşlar. Daha sonra Vətən müharibəsi Veteranları birliyinin sədri Fizuli Rzaquliyev Şəhid Anası Dürnisə Əliyevanı ARVMV birliyinin təsis etdiyi medalla təltif etdi. Fizuli Rzaquliyev sözünü davam etdirərək  Dünya Azərbaycanlılarının Həmrəyliyinə Dəsdək ictimai birliyinin prezidenti Tofiq Əli-zadə  haqqında danışaraq bildirdi ki, Tofiq müəllim fəaliyyət göstərdiyi son 25il ərzində daima Şəhid ailələrinin, vətən müharibəsi qazilərinin qayğılarının həll olunması yolunda fədakarlıqla çalışmışdır.
Ona görədə ARVMV birliyinin rəhbərliyinin qərarı ilə Birliyin fəxri medalı ilə təltif olunmuşdur. Daha sonra söz Xalq Artisti, tanınmış aktyorumuz Elxan Qasımova verilir. O da öz növbəsində Şəhid Anasına təssəlli verərək rejisoru olduğu "Biz qayıdacayıq"-filmindən danışdı. Dedi ki, hələ 2007ci ildə o filmi çəkərkən inanırdıq ki, biz mütləq QARABAĞA qayıdacayıq. Daha sonra çıxış edənlər AMEA-sının şöbə müdiri Elvin Talışınski "Dünya Ana və Uşaq" içtimai birliyinin sədri Dünya xanım Əliyevaya, şair Şahlar Şuşalı, Gülnarə Əmirquliyeva, "VƏTƏNİM  AZƏRBAYCANDIR. AZ.ın Baş redaktoru Kamran Orucov, Tahir Sadiqov və ehtiyatda olan Zabit  Qazilərimiz çıxışlar edərək Şəhid Anası olan Hacı xanım Dürnisə Əliyevaya belə igid oğullar tərbiyyə etdiyinə görə minnətdarlığını və tədbirin Təşkilatçısı olan Tofiq Əli-zadəyə öz səmimi təşəkkürünü bildirmişdir...