SON DƏQİQƏ

Azərbaycanın bütövlüyü uğrunda canlarından keçən şəhidlərimiz gənclərimiz üçün örnəkdir. Hər bir Azərbaycan vətəndaşı qəhrəmanlarını tanımalı, onların keçdiyi həyat yolunu bilməlidir. Vətənimizin müdafiəsi uğrunda canından, qanından keçən qəhrəmanlarımız bizim qürurumuzdur.
Dövlətimizə qarşı törədilən cinayətlərə, xüsusilə erməni təcavüzü və terrorizminə qarşı xalqımızın apardığı mübarizə heç də asan başa gəlməyib. Bu mübarizədə minlərlə igid oğullarımız şəhidlik zirvəsinə ucalıb. Bu zirvəyə ucalanların xatirəsini yaşatmaq gənc nəslin milli mənlik şüurunun formalaşmasına , onlarda vətənpərvərlik hisslərinin güclənməsinə xidmət edir. 
Şəhidlik qəhrəmanlığın ən uca zirvəsidir. Bu zirvəyə ucalan cəsur, igid əsgərləri, əlbəttə tanımalıyıq və tanıtmalıyıq.
Belə cəsur oğullardan, qəhrəmanlardan biri də,
Gizir Abilov Xudaverdl Fərhad oğludur. Abilov Xudaverdi  12 may 1991-ci ildə Sumqayıt şəhərində anadan olmuşdur. 2003-2009-cu illərdə Sumqayıt şəhər Milli Qəhrəman Cəlil Səfərov adına 10 saylı məktəbdə təhsil almışdır. 2010-2011-ci illərdə həqiqi hərbi xidmət keçmişdir.  Abilov Xudaverdi 2013-2014-cü illərdə Azərbaycan Respublikası  Silahlı Qüvvələrində gizir kimi xidmət etmişdir. 2014-cü il, may ayının 27-dən 28-nə keçən gecə, saat 2.55 radələrində Azərbaycan-Ermənistan təmas xəttinin Füzuli rayonu istiqamətində ermənilərin atəşkəs rejimini pozması nəticəsində şəhid olmuşdur. Abilov 
Xudaverdi sonadək vuruşmuş, öz səngərini düşmənə təhvil verməmişdir.Düşmən snayperindən açılan atəş nəticəsində başından vurularaq, şəhid olmuşdur. Abilov Xudaverdi ölümündən sonra göstərdiyi qəhrəmanlığına  görə, Azərbaycan Respublikası Müdafiə Naziri general-polkovnik Zaki
r Həsənovun sərəncamı ilə "Hərbi xidmətdə fərqlənməyə görə" III dərəcəli medalı ilə təltif olunmuşdur. Sumqayıt şəhər Şəhidlər xiyabanında dəfn olunmuşdur.
Allah rəhmət eləsin!
Şəhidlərimizin xatirəsi daim qəlbimizdə yaşayacaqdır!

Gülnarə Kərimova 
"Vətənim-Azərbaycandır.az"