SON DƏQİQƏ

Tədbirdə AMEA A.Bakıxanov adına Tarix İnstitutunun elmi işlər üzrə direktor müavini, tarix üzrə fəlsəfə doktoru, professor Cəbi Bayramov çıxış edərək tariximizin ən şanlı və parlaq səhifələrindən biri olan, müsəlman aləmində ilk demokratik respublika - Azərbaycan Xalq Cümhuriyyətinin yaranması və onun tariximizdəki rolundan bəhs etdi. Tədbirdə çıxış edən Azərbaycanın Müstəqilliyi haqqında İstiqlal Bəyannaməsinə imza atmış, Azərbaycan Xalq Cümhuriyyətinin banilərindən biri olan Cavad bəy Məlik-Yeqanovun nəvəsi Tamilla Kəngərlinskaya, Azərbaycan Xalq Cümhuriyyəti Parlamentinin üzvü Qərib Məhəmmədkərimoğlu (Yüzbaşı) Kərimovun nəvəsi Təranə Musayeva ömürlərini Vətənə fəda edən babalarının həyat və fəaliyyətindən , onlarla bağlı xatirələrindən söz açdılar. Cümhuriyyət qurucularının həyatının dərindən öyrənilməsininin vacibliyini qeyd etdilər.

Sonda tədbir iştirakçıları 23 aylıq şərəfli yol keçmiş Azərbaycan Xalq Cümhuriyyətinin keşməkeşli tarixinin son günlərinə işıq salmaq və hökumətin son qərarını hansı çətin şəraitdə verdiyini diqqətə çatdırmaq məqsədi ilə lentə alınan "Son iclas" adlı sənədli-bədii filmi izlədilər.

Sərgidə Azərbaycan İstiqlal muzeyinin fondlarında qorunub saxlanılan, Azərbaycan Xalq Cümhuriyyətinin və Müstəqil Azərbaycan Respublikasının fəaliyyətini və inkişafını özündə əks etdirən 20 fotoşəkil nümayiş olundu.

Tədbirdə Azərbaycan Respublikasının Milli Arxiv idarəsi və Azərbaycan İstiqlal muzeyinin əməkdaşları iştirak etdilər.

"Vətənim-Azərbaycandır.az".