Vetenim-Azerbaycandir.Az

SON DƏQİQƏ

BÖYÜK ZƏFƏRİN KİÇİK QƏHRƏMANLARI

BÖYÜK ZƏFƏRİN KİÇİK QƏHRƏMANLARI
20-12-2021, 18:49 1 682 dəfə baxılıb

30 il düşmən tapdağı altında qalmış torpaqlarımızı azad edən qazilərimizə və şəhidlərimizə hər birimizin vəfa borcumuz var.

Vətən torpağı uğrunda canlarını , arzularını, xəyallarını qurban verən  igidlərimiz bizə Qarabağlı – bütöv Azərbaycanı miras qoydular. Onlar bizə həm də bir ömür boyu  ata  həsrəti ilə yaşayacaq övladlarını əmanət etdilər. Bu əmanətlər  hər birimizindir. Biz atalarına borclu olduğumuz kimi onlara da borcluyuq.Çünki hər birimizin sevincini yaşadığımız Böyük Zəfərin Kiçik Qəhrəmanları olan bu uşaqlar müharibənin ən böyük ağrı-acısını, dərdini- kədərini əzizləri ilə birgə yaşayanlardır.

Onların kişicik də olsa sevincinə səbəb olmaq müqəddəs   göylərdə olan 2900 ruhu şad etməkdir. Onların təbəssümünü qazanmaq ən böyük əməldir.

Bakı Dövlət Universitetinin mexanika-riyaziyyat fakültəsinin müəllim və tələbə heyətinin təşəbbüsü ilə” CRATOS” restoranı Şəhid ailələrin övladları üçün təmənnasız Yeni il şənliyi təşkil etdi. Fakültənin tyutoru İlahə Mirzəyevanın təşkilatçılığı ilə cox maraqlı bayram tədbiri hazırlandı.

Uşaqları əyləndirmək məqsədi ilə müxtəlif şöular təşkil edildi.Nağıl qəhrəmanlarının  qayğısı  ilə əhatə olundular.Şənlikdə tanınmış səhnə ustaları iştirak etdilər. Xalq artisti Gülyanaq Məmmədova,  əməkdar artist Səlim Abbasov,  tanınmış reper Ramil Nabran,  aktyor Məcid Hüseynov  , rəqqaslar İlham KərimliRöya Əliyeva, müğənni Dana Dürdanə, Elmar İbrahimov (fokusnik)  və d. sevgi dolu bir gün yaşatdılar kiçik qəhrəmanlarımıza. Universitetin müəllimləri və  fəal tələbələri , layihənin rəhbəri İlahə Mirzəyeva  , onlara öz yardımını əsirgəməyən İTV-nin əməkdaşı, prodüser Minarə Əsgərova  uşaqlar üçün   həmin günü sevinc dolu bir günə çevirmək üçün əllərindən gələni etdilər.

Həmin günün uğurlu alınmasında hər kəs əlindən gələni əsirgəmədi. Sevgiylə , qayğıyla tədbirin hər anını gözəlləşdirdilər.

Biz bir olanda güclüyük.Həmin gün  tədbirdə iştirak edən hər kəsdə bir əminlik yaratdı ki,  heç bir zaman cəmiyyətimiz bu körpələri , onların ailələrini tək qoymayacaq.Biz hər zaman onların yanındayıq.Çünki bizim bu Vətənə , millətə olan borclarımızdan biri , ən önəmlisi  Vətənin azadlığı uğrunda şəhidlik zirvəsinə ucalan mərd oğullarımızın ruhlarına  olan borcumuzdur.

*CRATOS* ailəvi restoranının rəhbəri və əməkdaşlarına, “Böyük Zəfərin Kiçik Qəhrəmanları" adlı tədbirin məkan və ziyafət xərclərini öz üzərlərinə götürdükləri  üçün sonsuz təşəkkür edirik. Bu tədbirin yüksək səviyyədə keçirilməsi, körpələrin rahat və doyunca əylənə bilməsi üçün əllərindən gələni əsirgəmədilər.  Rəhbərlik tərəfindən eşidilən du sözlər : -"O, UŞAQLARIN HESABI - ATALARI TƏRƏFİNDƏN ÇOXDAN ÖDƏNİLİB" - yalnız qəlbi Vətənlə döyünən insanlara aid ola bilər.
Biz  bu ruhları narahat qoya bilmərik.

Çinarə Cənnətova
"Vətənim-Azərbaycandır.az"

ŞƏRH YAZ

OXŞAR XƏBƏRLƏR<

XƏBƏR LENTİ

BÜTÜN XƏBƏRLƏR

SağlamlıqHAMISI

MədəniyyətHAMISI

SosialHAMISI

TexnologiyaHAMISI