SON DƏQİQƏ

2022-ci il üçün dövlət büdcəsi layihəsi sosial yönümlüdür və insan hüquqlarının müdafiəsi diqqətdə saxlanılıb.
"Vətənim-Azərbaycandır.az" xəbər verir ki, bu fikirləri ombudsman Səbinə Əliyeva noyabrın 11-də Milli Məclisdə 2022-ci il üçün büdcə layihəsinin müzakirəsi zamanı deyib.
Səbinə Əliyeva diqqətə çatdırıb ki, Ombudsman Aparatı olaraq üzərlərinə düşən vəzifələrin öhdəsindən layiqincə gəlməyə çalışıb. Bildirilib ki, müharibə və postmüharibə dövründə Ermənistanın Azərbaycana qarşı apardığı siyasəti, terrorçuluq hərəkətlərini, mülki obyektlərin, mülki insanların hədəfə alınmasını fəaliyyətlərində ifşa etməyə çalışıblar. Bu məqsədlə faktaraşdırıcı missiya həyata keçirilib. Bununla bağlı beynəlxalq təşkilatlara, digər ölkələrin ombudsmanlarına məlumat göndərilib, 14 hesabat, 20 bəyanat, 21 müraciət ünvanlanıb, 10 faktaraşdırıcı missiya rellaşdırılıb.
Ombudsman dövlət büdcəsində insan hüquq və azadlıqlarının müdafiəsi məqsədilə maliyyə təminatının artırılmasını təklif edib. O, bunun beynəlxalq təşkilatların məlumatlandırılması, qabaqcıl təcrübənin əldə edilməsi, elektron bazanın təkmilləşdirilməsinə sərf ediləcəyini qeyd edib.