SON DƏQİQƏ

VETENİM-AZERBAYCANDIR.AZ

Türkiyənin Hatay şəhərinin Antakya rayonunda baş verən güclü zəlzələdə minlərlə insan sağ qalıb. Onların arasında 27 yaşlı Deniz Büşra Elçi və 33 yaşlı İbrahim Ethem Elçi də var.
VETENİM-AZERBAYCANDIR.AZ məlumatına görə, 6 ay əvvəl evlənərək Antakyada məskunlaşan cütlük Odabaşı Məhəlləsindəki doqquzmərtəbəli Özkan Kardeşler Apartmanının (Özkan Qardaşlar Mənzilinin” 5-ci mərtəbəsində yaşayırdılar. Zəlzələ zamanı yaşadıqları binanın ön hissəsində iki, arxada isə 4 mərtəbə dağılıb və bina arxaya əyilib. Cütlüklər də bir-birinə sarılıb və pərdələrdən yapışaraq sağ qalıblar. “Həyatımın ən çətin dövrünü yaşadım” deyən İbrahim Ethem Elçi “Milliyet”ə açıqlama verib.
O söyləyib ki, əvvəlcə yüngül bir sarsıntı oldu. Sonradan sarsıntı hiss edilməyə başladı: “Bu zaman arvadım hamilə olduğu üçün ondan yapışdım. Çox qısa müddətdən sonra zəlzələ şiddətini artırdı və dərhal çarpayımızın yanında çöməldik. Qonşumuzun divarı üstümüzə uçdu. Dərhal Reyhanlıda yaşayan qardaşıma zəng vurub kömək istədim. Mən telefonu bağladıqdan sonra üzərimizə düşən divarın altından birtəhər xilas olduq və binadan çıxmağa qərar verdik. Pəncərədən başqa gedə biləcəyimiz yer yox idi. Dərhal qonşu otağa keçdik və pərdələri kompüter stulunun ayağına bağladıq. Əvvəl mən düşdüm. Heç bir problemim olmadı və həyat yoldaşımı da elə düşdü. Yaşadığım hər şey çox dəhşətli olub. Biz yerə enəndə mənzilin divarları hələ də uçurdu. Aşağıda bir kişi mənə dedi ki, içəri girib ona kömək edim, amma içəri girə bilmədim. Aşağı mərtəbədəki başqa bir qonşu dedi ki, pəncərəm açılmayacaq, xahiş edirəm, uşaqlarımı da götürün. Qonşumuzun iki uşağını pəncərədən çıxarıb aşağı saldım. Beləliklə, pərdələrin sayəsində xilas olduq”.

VETENİM-AZERBAYCANDIR.AZ