SON DƏQİQƏ

"Vətən Müharibəsi zamanı erməni silahlı birləşmələrinin cəbhə zonasından yerləşən şəhərlərimizə raket və qadağan edilən silahlarla dinc sakinləri qətlə yetirməsi ilə bağlı istintaq davam etdirilir".
 
VETENİM-AZƏRBAYCANDIR.AZ xəbər verir ki, bunu Baş prokurorun I müavini Elçin Məmmədov jurnalistlərə açıqlamasında deyib. O bildirib ki, Prezidentin 14 dekabr 2020-ci il Sərəncamı ilə erməni silahlı qüvvələrinin cinayətləri nəticəsində mülki şəxslərə dəymiş ziyanın aradan qaldırılması məqsədilə kompensasiyalar artıq ödənilib:
“27 sentyabr 2020-ci ildən etibarən erməni silahlı qüvvələrinin törətdikləri cinayətlərlə bağlı ümumilikdə 87 cinayət işi başlanıb. Bunun 39-u mülki əhalinin qəsdən öldürülməsi ilə bağlıolub. Bundan başqa müəyyən olunub ki, erməni silahlı birləşmələri Bakı-Novosibirsk neft kəməri, Bakı-Tbilisi-Ceyhan neft kəmərini, Mingəçevir SES-i, Qəbələ hava limanını və s. Digər strateji obyektləri də hədəfə alıblar. Qeyd olunan faktlarla bağlı 36 şəxs barəsində beynəlxalq axtarışa elan edilib. Ermənilər tərəfindən ərazilərimizdə aparılan qanunsuz istismara görə, maddi ziyanın məbləği 16,2 milyard manat müəyyən olunub. Müharibə zamanı erməni tərəfindən Azərbaycan ərazisinə 29 mindən çox mərmi və 200 raket atıldığı müəyyənləşib. Müharibədən sonra 44 şəxs ermənilər tərəfindən basdırılmış minaların partlaması nəticəsində ölüb.
Beynəlxalq təşkilatlara erməni cinayətləri və muzdlular haqqında məlumatlar göndərilib”.



 
VETENİM-AZƏRBAYCANDIR.AZ