02:11 - Kəlbəcərin Vəng kəndindən eksklüziv görüntülər - VİDEO
22:16 - İlham Əliyev Zəngilan şəhərinin daxili yol-kommunikasiya şəbəkəsinin təməlini qoyub
22:13 - Hikmət Hacıyev ABŞ Sülh İnstitutunda Azərbaycan-Amerika tərəfdaşlığını müzakirə edib.
19:09 - Rafael Ağayev Ginnesin Rekordlar kitabına düştü!
18:48 - SOCAR-ın vitse-prezidenti OGDC-nin Rəhbər Komitəsinin sədri seçilib - FOTO
18:29 - İlham Əliyev “Zəngilan” və “Şayıflı” Su Elektrik stansiyalarının açılışlarını edib - YENİLƏNİB
18:28 - Cəbrayılın Maşanlı kəndində 2 360 sakin üçün 590 fərdi ev inşa ediləcək
15:12 - BEYNƏLXALQ MUĞAM MƏRKƏZİNDƏ “MUĞAM MÜHAZİRƏLƏRİ” TƏDBİRİ KEÇİRİLİB
09:39 - 18 May - Beynəlxalq Muzeylər Günüdür
20:52 - SOCAR məsləhətçilərlə çirklənmiş torpaqların təmizlənməsinin diaqnostikasını aparır
18:45 - Şuşa bizim əyilməz ruhumuzun rəmzidir.
17:48 - Aleksandr Lukaşenko Şuşaya traktor bağışlayıb - FOTO
Gəncə terrorunda anasını itirən Taleh Rüstəmov: “Ayılanda gördüm ki, qonşunun məhəlləsindəyik” - FOTO/VİDEO
Vətən müharibəsi dövründə ermənilərin Gəncəyə raketlər atması nəticəsində mülki əhaliyə ciddi ziyan dəydi. Bu terror aktı onlarla insanın həyatına son qoydu. Hadisədə həlak olanlardan biri də 59 yaşlı Maral Yusibovadır.
Tərcümeyi-hal: Yusibova Maral Yunis qızı 1963-cü ildə Qərbi Azərbaycanın Basarkeçər rayonunun Böyük Məzrə kəndində doğulub. 1970-ci ildə Mərzə kənd orta məktəbinin birinci sinfinə daxil olub, 1981-ci ildə həmin məktəbi bitirib. 1983-cü ildə ailə həyatı qurub. 1988-ci ildə ermənilər tərəfindən öz ata-baba yurdundan didərgin salınıb və həmin ildən Gəncə şəhərində məskunlaşıb. Orta təhsilli və evdar xanım olub.
Şəhidin oğlu Taleh Rüstəmov Oxu.Az-a açıqlamasında ilk olaraq ailə vəziyyətlərindən söz açıb:
“Ailədə dörd uşağıq, iki bacım, bir qardaşım var. Atam 2006-cı ildə dünyasını dəyişin, həmin vaxtdan bəri biz anamın himayəsində idik, evin kiçik uşağı mənəm. Hazırda güc strukturunda çalışıram, Daxili İşlər Nazirliyinin əməkdaşıyam. Evdə mən, anam, bir bacım və onun üç yaşlı övladı yaşayırdıq. Hadisə vaxtı hamımız evdə idik. Gəncəyə bununla beşinci dəfə idi raket atılırdı. Birinci raket Əziz Əliyev küçəsinə, ikinci raket ondan 40 dəqiqə sonra Əli Nəzmi küçəsinə atıldı, üçüncü raketlə bazarı vurdular, oktyabrın 10-dan 11-nə keçən gecə isə Qələbə parkına dördüncü raket atıldı. Hər bir hadisə baş verəndə mən orada xidmətdə olmuşam”.
Oktyabrın 17-si raket atılan zaman isə Taleh ailə üzvləriylə birlikdə evdə olub, yeni yuxuya gediblərmiş ki, səsə oyanıblar:
“Həmin gün mən gecə növbəsindən gəlmişdim, yatırdım, səhər işə getməliydim. Raket düşəndə ayıldım ki, qonşunun məhəlləsindəyəm, evimiz yerli-dibli yoxdur. Hadisədə ailə üzvlərimin hamısı yaralandı. Mən ayaq və qol nahiyəsindən yaralanmışdım, alnımı da nəsə kəsib keçmişdi, amma özümü idarə edə bilirdim, bacımın sağ ayağı qəlpə yaraları idi, dərisi deşik-deşik olmuşdu. Anam isə hadisə yerində keçinmişdi. Hamımız hadisənin şokundaydıq. Tez qışqırıb yan-yörəyə baxdım. Bacım dağıntıların arasından cavab verdi. Bacımın uşağını qonşuların köməkliyi ilə daşların altından çıxardıq”.
Taleh Rüstəmovun sözlərinə görə, hazırda evləri dövlət dəstəyi ilə yenidən tikilir:
“Evimizdə iş gedir, bizə ev əşyalarına görə 6000, şəxsi əşyalara görə isə 1500 manat ödəniş etdilər. Tikintinin nə vaxt bitəcəyini bilmirik, işləsələr, iki aya bitər. Hazırda kirayədə qalırıq, dövlət tərəfindən bizə kirayə ayrılıb, onun üçün ayda 250 manat məbləğində ödəniş edirlər”.
VETENİM-AZƏRBAYCANDIR.AZ