SON DƏQİQƏ

Təhsilverənlərin əvvəlcədən müəyyənləşdirilmiş müddət keçdikdən sonra müvafiq qaydalarda sertifikasiyadan keçirilməsi qabaqcıl ölkələrdə var, bu tamamilə normal prosesdir. Çünki həyat da, təhsil də inkişaf edir və tədrisin metodikasında yeniliklər yaranır. Dərs verən müəllimin bunlardan xəbəri olmalıdır.

Deputat bildirib ki, bu gün vətəndaşlarımızın çoxu ibtidai və orta məktəblərdə, bütövlükdə təhsil sistemində tədrisin keyfiyyətinin aşağı olduğunu deyir:

"Bunun səbəbləri nədir, vəziyyəti necə düzəltmək olar? Bilindiyi kimi, tədrisdə başlıca şəxs müəllimdir. Müəllim dərs verə bilmirsə, o zaman onunla necə davranmaq lazımdır? Burada əsasən iki yol var: birincisi, haqlı və ya haqsız narazılıq yaradan, bir çox hallarda subyektivliyə yol açan inzibati yol. Bu yolu uğurlu saymıram. İkincisi,  təbii, müəllimlərin sertifikasiyadan keçirilməsi yoludur. Düzgün yol müəllimlərin sertifikasiyadan keçirilməsidir. Sertifikatlaşdırmaya müsbət yanaşmaq lazımdır. Peşəsini bəlli səviyyədə bilməyən müəllimlər inzibati deyil,  təbii yolla və qanunla siniflərdə dərs verməkdən uzaqlaşacaq, onların yerini yaxşıları tutacaq, təhsilimizə sağlam rəqabət gələcək, keyfiyyət yaxşılaşacaq. Sertifikatlaşdırmadan keçməyən şəxslər bunun səbəblərini kənarda deyil, özlərində axtarmalıdırlar".
 


Milli Məclis üzvünün sözlərinə görə, müəllimlərin hamısını bilik və bacarıq səviyyəsinə görə ümumiləşdirib qiymət vermək düzgün olmazdı:
 
"Çalışmaq lazımdır ki, dərsləri savadlı müəllimlər versin. Bunun da ən rahat yolu sertifikasiyadan keçməkdir. Sertifikatlaşdırma bizdə yeni olduğu üçün çatışmazlıqlara da rast gəlinəcək. Amma bu proses zamanı mənfi hallara (sualların əvvəlcədən verilməsi, himayədarlıq və s.) yol verilməsi bütövlükdə dövlətimizin təhsil siyasətinə kölgə düşürə biləcəyindən qarşısı dərhal və qətiyyətlə alınmalıdır".
 
Qeyd edək ki, ötən gündən etibarən təhsilverənlərin sertifikatlaşdırılması üzrə test imtahanı mərhələsinə start verilib. Ümumilikdə 11 min müəllim imtahan prosesində iştirak edəcək. 

VETENİM-AZERBAYCANDIR.AZ