SON DƏQİQƏ

İlk öncə tədbir iştirakçıları Ümummilli lider Heydər Əliyevin büstünü ziyarət etmiş və abidə önünə gül dəstələri qoyulmuşdur.

Tədbiri giriş sözü ilə açan Asif Hüseynov ilk öncə bütün Dövlət Qulluqçularını peşə bayramları münasibətilə təbrik etmiş və onlara fəaliyyətlərində uğurlar arzulamışdır. Bildirilmişdir ki, Azərbaycan Respublikasının Prezidenti cənab İlham Əliyev tərəfindən imzalanan 25 may 2006-cı il tarixli, 1476 nömrəli sərəncama əsasən hər il iyun ayının 23 -ü dövlət qulluqçularının peşə bayramı kimi qeyd olunur. Bu gün sürətlə inkişaf edən Azərbaycanın beynəlxalq aləmdə öz nüfuzunu möhkəmləndirməsi ümummilli lider Heydər Əliyevin dövlət idarəetmə sistemində həyata keçirdiyi islahatlardan başladığını qeyd edən Asif Hüseynov, Prezident İlham Əliyevin bu islahatları qətiyyətlə davam etdirməsi sayəsində ölkəmizin qüdrəti gündən-günə artdığını və respublikamızda müasir tələblərə cavab verən dövlət idarəetmə sistemi qurulduğunu vurğulayıb.

Daha sonra çıxış edən Mehdi Balabəyov da öz növbəsində Dövlət Qulluqçularını təbrik etmiş və bildirmişdir ki, Azərbaycanda dövlət qulluğu sahəsində aparılan islahatların ən mühüm nəticələrindən biri 2000-ci il iyulun 21-də "Dövlət qulluğu haqqında” Qanunun qəbul edilməsidir. Həmin qanunla Azərbaycanda dövlət qulluğu sahəsində vahid dövlət siyasətinin formalaşdırılmasının əsası qoyulub, bu sahədə kadr siyasətinin əsas prinsipləri, dövlət qulluqçularının cəmiyyətdəki yeri, onların hüquq və vəzifələri müəyyənləşdirilib. "Dövlət qulluğu haqqında” Qanun qəbul edildikdən sonra mütəmadi olaraq təkmilləşdirilib, 180-dən artıq dəyişikliklə çox mükəmməl bir hüquqi akt yaradılıb. Sonda Dövlət Qulluğunda səmərəli fəaliyyətinə görə bir qrup Dövlət Qulluqçusu Şabran rayon İcra Hakimiyyəti başçısının Fəxri Fərmanları ilə mükafatlandırılmışdır.