Vetenim-Azerbaycandir.Az

SON DƏQİQƏ

“Qurultayın aprel ayında keçirilməsi təsadüfi deyil” - Fuad Muradov

“Qurultayın aprel ayında keçirilməsi təsadüfi deyil” - Fuad Muradov
23-04-2022, 13:34 147 dəfə baxılıb

Aprelin 22-də Diasporla İş üzrə Dövlət Komitəsinin sədri Fuad Muradov Dünya Azərbaycanlılarının V Qurultayında çıxış edib.

Vətənim-Azərbaycandır.az” xəbər verir ki, o, çıxışına Vətən müharibəsinin kulminasiya nöqtəsi sayılan Şuşanın azad olunması zamanı Müzəffər Ali Baş Komandan İlham Əliyevin Azərbaycan xalqına xitabı ilə başlayıb: “Şuşanı azad etdik! Bu, böyük Qələbədir! Bu gün şəhidlərimizin, Ulu Öndərin ruhu şaddır! Gözün aydın olsun, Azərbaycan! Gözünüz aydın olsun, dünya azərbaycanlıları!”
Muradov qeyd edib ki, Azərbaycan diasporu üçün əlamətdar olan Qurultayın aprel ayında keçirilməsi təsadüfi deyil: “Məhz 2016-cı ilin bu ayında Azərbaycan dövləti, eləcə də diasporu öz qüvvəsini və mütəşəkkilliyini sübut etdi. Zəfərimizin müjdəçisi olan “Aprel döyüşləri” bir daha Azərbaycanın nəyə qadir olmasını, Ordumuzun gücünü göstərdi”.
Komitə sədri Dünya Azərbaycanlılarının IV Qurultayından ötən dövr ərzində Diasporla İş üzrə Dövlət Komitəsinin fəaliyyətinə dair məlumatları diqqətə çatdırıb. O əlavə edib ki, hazırda 11 ölkədə fəaliyyət göstərən 15 Azərbaycan Evi isə xaricdə milli atributumuz kimi maddi-mənəvi dəyərlərimizi təbliğ etdirməklə sosial-mədəni məkan rolunu oynayır.
Muradovun sözərinə görə, diasporun rolunun gücləndiyi hazırkı şəraitdə Azərbaycan ilk dəfə olaraq bu il Qlobal Diaspor Forumunda təmsil olunub: “İnanırıq ki, Azərbaycan və Türkiyə diasporları 2021-ci il iyunun 15-də dövlət başçılarımız tərəfindən imzalanan “Azərbaycan Respublikası ilə Türkiyə Respublikası arasında müttəfiqlik münasibətləri haqqında Şuşa Bəyannaməsi”nin “Tərəflər müxtəlif ölkələrdə yaşayan Azərbaycan və türk diasporları arasında əməkdaşlığın daha sıx inkişaf etdirilməsi, onların məruz qaldıqları ümumi problemlər qarşısında birlikdə addımlar atılması və ardıcıl həmrəylik göstərilməsi məqsədilə səylərini birləşdirəcəklər” bəndindən irəli gələn vəzifələrin öhdəsindən layiqincə gələcəkdir”.
O, çıxışını ümummilli lider Heydər Əliyevin Dünya Azərbaycanlılarının I Qurultaydakı konseptual çıxışından sitatla bitirib: “Hamımız - siz də, biz də çox iş görməliyik ki, Azərbaycanın güclü diasporu yaransın. Müxtəlif ölkələrdə yaşayan azərbaycanlılar daha da güclənsinlər. İqtisadi cəhətdən daha da möhkəmlənsinlər, yaşadıqları ölkələrin ictimai-siyasi həyatında fəal iştirak edə bilsinlər, o ölkənin həyatına öz təsirlərini göstərə bilsinlər. Beləliklə, müxtəlif ölkələrdə də Azərbaycanın müstəqilliyini, onun xarici siyasətini təbliğ etməklə yanaşı, Azərbaycanın problemlərinin həll olunmasına yardım etsinlər. Hesab edirəm ki, dünya azərbaycanlıları bu yol ilə getməlidir”.

ŞƏRH YAZ

OXŞAR XƏBƏRLƏR<

XƏBƏR LENTİ

BÜTÜN XƏBƏRLƏR

SağlamlıqHAMISI

MədəniyyətHAMISI

SosialHAMISI

TexnologiyaHAMISI