SON DƏQİQƏ

Bu gün Ukrayna Prezidenti Volodimir Zelenski Prezident İlham Əliyevə zəng edib.

"Vətənim-Azərbaycandır.az" xəbər verir ki, söhbət zamanı Prezident Volodimir Zelenski dövlətimizin başçısını Ukraynadakı vəziyyət barədə məlumatlandırıb.
Prezidentlər humanitar dəhlizlərin yaradılması və sülh danışıqlarının davam etdirilməsinin vacibliyini qeyd ediblər.
Telefon danışığı əsnasında Prezident Volodimir Zelenski tibbi ləvazimatlar daxil olmaqla, Ukraynaya göstərilən humanitar yardıma görə Prezident İlham Əliyevə təşəkkürünü bildirib.
Prezident İlham Əliyev bildirib ki, Azərbaycan daim humanitar məsələlərə böyük önəm verir və xüsusi diqqətlə yanaşır.
***
Zelenski də İlham Əliyevlə danışması barədə tviter hesabında paylaşım edib.
“Azərbaycan Prezidenti İlham Əliyevlə  danışdım. Dinc əhaliyə qarşı vurulan yeni zərbələr barədə məlumat verdim. Yaşıl dəhlizlərə olan ehtiyacı müzakirə etdik.  Humanitar yardıma və əkin üçün yanacaqla təmin etməyə hazır olduğuna  görə təşəkkür etdim”.