SON DƏQİQƏ

Dekabrın 2-də Stokholmda görüşən Rusiya xarici işlər naziri Sergey Lavrov və ABŞ Dövlət katibi Entoni Blinken arasında gərgin mübahisə olub.
“Vətənim-Azərbaycandır.az” xəbər verir ki, bu barədə “Bloomberg” məlumat yayıb.
Bildirilib ki, gərginlik  Ukraynadakı vəziyyətlə bağlı müzakirələr zamanı ortaya çıxıb.

Qeyd edilib ki, Stokholmdakı ATƏT Xarici İşlər Nazirləri iclası çərçivəsində görüşən Lavrov və Blinken Ukraynaya qarşı rus təcavüzkarlığı olacağı təqdirdə Qərbin görəcəyi tədbirlər gündəmə gələndə gərgin şəkildə mübahisə etməyə başlayıblar.
“Prezident Vladimir Putinin birliklərinin qonşu ölkənin sərhədi yaxınlığında yerləşdirilməsi səbəbindən Ukraynaya qarşı rus təcavüzkarlığı təhdidinə qarşılıq vermək üçün amerikalı və avropalı müttəfiqlərin sanksiyalar da daxil olmaqla, müxtəlif yollar axtardığının söylənməsindən sonra fikir mübadiləsi gərgin bir şəkildə irəliləməyə başlayıb”, - xəbərdə qeyd edilib.
Qaynaqların bildirdiyinə görə, Lavrov Blinkenə 2014-cü ildə Kiyevdə yaşanan hadisələrin dövlət çevrilişi olduğunu xatırladıb, NATO və Avropa İttifaqını fərqli fikirdə olanların üstündən keçmək və Rusiyanı təhdid etməkdə günahlandırıb.
Blinken isə NATO-nun bir müdafiə ittifaqı olduğunu bildirərək, keçmiş Ukrayna Prezident Viktor Yanukoviçə sadiq qüvvələrin Kiyevdə sülhpərvər aksiyaçılara atəş açdığını və yüzdən çox insanı öldürdüyünü deyib.