20:51 - Yaşatdıqları ilə tarix yazan ADAM
08:22 - AKADEMİK RƏFİQƏ ƏLİYEVANIN XATİRƏSİ ANILIB.
23:38 - Nəqədər ki, Azərbaycan var Ulu Öndərimiz var olacaq, O da yaşayacaqdır.
23:04 - Ağadadaş Ağayevin keçmiş gəlini Quteis Ağayeva dələduzluqda ittiham edilir
20:58 - Azərbaycanla Ermənistan arasında 40 sərhəd dirəyi quraşdırılıb - VİDEO
20:57 - Bu il “Xarıbülbül” festivalı Şuşa və Laçında keçiriləcək
20:55 - DTX-nin əməkdaşları “Heydər zirvəsi”nə yürüş ediblər - FOTO
20:53 - Slovakiyanın baş naziri Azərbaycana rəsmi səfərə gəlib
20:51 - Laçında müntəzəm marşrut xətləri açılıb - FOTO
12:44 - Mayın 5-i Həkim-Mama Günüdür
12:35 - 18 mindən çox iştirakçının yarışdığı “Bakı marafonu 2024” start götürüb - FOTO/VİDEO
12:33 - ABŞ Səudiyyə Ərəbistanına şərt qoydu
12:25 - Mehriban Əliyeva Azərbaycanın pravoslav xristian icmasını təbrik edib
09:41 - Cəmiyyətdə qadınların rolu artır
Ermənistan ATƏT-də Ukraynaya qarşı çıxdı - Aleksandr Merejkodan ŞƏRH
ATƏT-in Ukraynadakı Xüsusi Monitorinq Missiyasının (XMM) büdcəsinin qəbul edilməsinin bloklanması xəbəri Kiyev üçün sürpriz olmadı. Belə ki, bir neçə gün əvvəl Ukrayna Xarici İşlər Nazirliyi ATƏT-ə üzv olan bəzi dövlətlərin XMM-nin Ukraynadakı səlahiyyət müddətinin yaxın 12 aya qədər uzadılması qərarının qarşısını almaq istiqamətindəki fəliyyətləri barədə bəyanat verib. Qurumun rəsmi açıqlamasında müvəqqəti işğal olunmuş Donetsk və Luqansk bölgələrindəki missiyanın məhdudlaşdırılmasının ərazidə eskalasiyaya səbəb ola biləcəyi qeyd edilib.
Mövcud mandatı martın 31-də bitən ATƏT missiyasının büdcəsini əngəlləyən ölkələr arasında Ermənistan da var.
Ukrayna Ali Radasının Xarici Siyasət və Parlamentlərarası Əməkdaşlıq Komitəsinin sədri Aleksandr Merejko Caliber.Az-a açıqlamasında həqiqətən də bəzi ATƏT-ə üzv dövlətlərin sözügedən missiyanın fəaliyyətinin qarşısını alması faktını təsdiqləyib.
“Bu, son dərəcə xoşagəlməz bir siqnaldır. XMM-in fəaliyyəti, müəyyən mənada rus qoşunlarının Donbas ərazisindəki mümkün hərəkətlərinə qarşı çəkindirici amildir. Missiyanın dayandırılması Donbasda hərbi əməliyyatların daha da genişlənməsinə səbəb ola bilər. Ukrayna bölgədə sakitliyin qorunmasında maraqlıdır və XMM fəaliyyət göstərməzsə, Rusiya bundan mütləq istifadə edəcək”, -deyə komitə sədri bəyan edib.
Mövcud vəziyyətə Kiyevin reaksiyasına gəlincə, parlamentarinin fikrincə, Ukrayna ATƏT üzvü olaraq, yalnız təşkilatın qaydaları çərçivəsində reaksiya göstərə bilər.
“ATƏT büdcəsini əngəlləyən dövlətlərin (Ermənistan da daxil olmaqla - red.) nəyə istinad etdiklərini söyləmək çətindir, lakin Ukrayna açıq şəkildə ATƏT-in fəaliyyətsizliyində maraqlı deyil. Əksinə, Ukrayna Minsk prosesində ATƏT-in oynadığı rolu qiymətləndirir. Ümid edək ki, ATƏT-in büdcəsi təsdiq olunacaq və təşkilat normal fəaliyyətini davam etdirəcək. Ukrayna və Azərbaycan arasında ATƏT çərçivəsində sıx əməkdaşlığa ümid edirik”, -deyə A.Merejko bildirib.